ក្នុងចំណោមការទស្សន៍ទាយរបស់ព្យាការីពិការភ្នែក Baba Vanga អំពីឆ្នាំ ២០២២ យ៉ាងហោចណាស់មានពីរ បានបង្ហាញថាត្រឹមត្រូវ។ តើមានទំនាយអ្វីខ្លះទៀត ដែលអ្នកត្រូវនិយាយអំពីឆ្នាំនេះ?។
Baba Vanga ត្រូវបានគេចាត់ទុកថាជាហោរាដ៏ល្បីល្បាញបំផុតមួយរូប ក្នុងប្រវត្តិសាស្ត្រពិភពលោក។ ហើយវាហាក់ដូចជាការព្យាករណ៍មួយចំនួនរបស់គាត់សម្រាប់ឆ្នាំ ២០២២ បានក្លាយជាការពិត។
គេហទំព័រព័ត៌មានជាច្រើនបានចង្អុលបង្ហាញថា មានឧប្បត្តិហេតុយ៉ាងហោចណាស់២ករណីដែលបានកើតឡើងដូចការលើកឡើងរបស់លោកស្រី Vanga។ ទីមួយ អ្នកស្រីព្យាករណ៍ថា នៅឆ្នាំ២០២២ ប្រទេសមួយចំនួននៅអាស៊ី និងអូស្ត្រាលីនឹងជួបប្រទះ “ទឹកជំនន់ធ្ងន់ធ្ងរ”។
ជាការពិតណាស់ នាពេលថ្មីៗនេះ តំបន់ជាច្រើននៃប្រទេសអូស្ត្រាលីបានជួបប្រទះនឹងភ្លៀងធ្លាក់ខ្លាំង ដែលបណ្តាលឱ្យមានទឹកជំនន់រីករាលដាល និងមានការជម្លៀសប្រជាជនរាប់សែននាក់។
ជាមួយគ្នានោះ លោកស្រី Vanga ក៏បានព្យាករណ៍ថា ទីក្រុងជាច្រើនទទួលរងការខ្វះខាតទឹក ដោយសារគ្រោះរាំងស្ងួត ហើយនោះជាអ្វីដែលកំពុងកើតឡើងនៅអឺរ៉ុប។
នៅប្រទេសព័រទុយហ្គាល់ អ្នកស្រុកត្រូវបានគេណែនាំឱ្យប្រើប្រាស់ទឹកដែលមានកំណត់ ហើយអ៊ីតាលី ក៏កំពុងជួបប្រទះគ្រោះរាំងស្ងួតធ្ងន់ធ្ងរ ដែលត្រូវបានចាត់ទុកថាអាក្រក់បំផុត ចាប់តាំងពីទសវត្សរ៍ឆ្នាំ១៩៥០ មក។ មិនត្រឹមតែប៉ុណ្ណោះ ប្រទេសអឺរ៉ុបជាច្រើនក៏កំពុងរងគ្រោះ ខណៈរដូវក្តៅធ្វើឲ្យពិបាកដកដង្ហើមយ៉ាងខ្លាំង ដោយសារតែសីតុណ្ហភាពខ្ពស់ និងមិនមានភ្លៀង។ រដ្ឋាភិបាលអង់គ្លេសថែមទាំងត្រូវចេញការព្រមានគ្រោះថ្នាក់សម្រាប់ប្រជាជនកុំឲ្យចេញក្រៅ ដោយសាររលកកម្តៅមិនធ្លាប់មានពីមុនមក។
លើសពីនេះ អ្នកស្រី Vanga មានទំនាយផ្សេងទៀតសម្រាប់ឆ្នាំនេះថា នឹងមានមេរោគបណ្តាលឲ្យស្លាប់ថ្មី មានការលេចចេញជារូបរាងវាយប្រហារពីសត្វកណ្តូប និងការកើនឡើងនៃការប្រើប្រាស់បច្ចេកវិទ្យាការពិតនិម្មិត។ តែយ៉ាងណា យើងនឹងត្រូវរង់ចាំរហូតដល់ចុងឆ្នាំនេះ ដើម្បីមើលថាតើទំនាយទាំងនេះរបស់លោកស្រី Vanga ពិតឬអត់។
ថ្វីត្បិតតែលោកស្រី Vanga បានទទួលមរណភាពទៅហើយក្តី ប៉ុន្តែទំនាយរបស់លោកស្រី ត្រូវបានចុះផ្សាយក្នុងសារព័ត៌មានជាច្រើនរៀងរាល់ឆ្នាំ ព្រោះថាការព្យាករណ៍ជាច្រើនដង ត្រូវបានគេគិតថា ត្រូវនឹងព្រឹត្តិការណ៍ធំៗនៅលើពិភពលោក ដូចជាការវាយប្រហារជាដើម ចូលទៅក្នុងអគារភ្លោះនៅសហរដ្ឋអាមេរិកក្នុងឆ្នាំ ២០០១ រលកយក្សស៊ូណាមិនៅប្រទេសថៃ ក្នុងឆ្នាំ ២០០៤, ការដែលលោក អូបាម៉ា ក្លាយជាប្រធានាធិបតី…។
អ្នកស្រី Vanga បានបន្សល់ទុកការព្យាករណ៍រហូតដល់ឆ្នាំ ៥០៧៩ នៅពេលដែលអ្នកស្រីគិតថា ពិភពលោកនឹងបញ្ចប់៕ រក្សាសិទ្ធិដោយ៖ លឹម ហុង
