ជាការពិតណាស់ ក្មេងស្រីវ័យជំទង់ៗសម័យនេះ ក្នុងនោះអ្នកខ្លះ ព្រោះតែដោយខឹងឪពុកម្តាយស្តីបន្ទោសកុំឲ្យដើរផ្លូវខុស និងខ្លះទៀត ព្រោះតែស្នេហាដឹកមុខ ក៏បានសម្រេចចិត្តចាកចោលផ្ទះ ដោយមិនខ្វល់ពីអារម្មណ៍របស់ឪពុកម្តាយសោះឡើយ។
ដោយឡែក ថ្មីៗនេះ ស្រ្តីម្នាក់បានធ្វើឲ្យគ្រប់គ្នាឃើញហើយ ពិតជាគួរឲ្យស្រណោះខ្លាំងណាស់ ខណៈបានឃើញគាត់កាន់រូបថតដើរស្វែងរកកូនស្រីក្រមុំហាលភ្លៀងហាលខ្យល់ ទាំងទឹកមុខក្រៀមក្រំ ដោយមិនដឹងថា កូនស្រីកំពុងមានសុវត្ថិភាព ឬយ៉ាងណានោះទេ។
នេះបើតាមគណនីហ្វេសប៊ុកឈ្មោះ VC Fiber By IngIng បានឲ្យដឹងថា យុវតីស្រស់ស្អាត ដែលម្តាយកំពុងដើរស្វែងរកនោះ គឺមានអាយុ ១៧ ឆ្នាំ។ តែយ៉ាងណាមិញ ទាក់ទងការបាត់ខ្លួននេះផងដែរ គណនីខាងលើបានបញ្ជាក់ថា យុវតីរូបនេះបានដើរលេងមិនចូលផ្ទះ ព្រោះយកមិត្តភក្តិជាធំ។
ប្រសិនបងប្អូនបានប្រទះឃើញនារីស្រស់ស្អាតដូចភិនភាគក្នុងរូប សូមទំនាក់ទំនងមកកាន់ 077787529/ 096 9811043 លេខនេះផង ព្រោះឪពុកម្ដាយរបស់នាង កំពុងតែព្រួយបារម្ភខ្លាំងណាស់៕ រក្សាសិទ្ធិដោយ៖ លឹម ហុង
