នេះជារឿងមួយដ៏ហួសចិត្តខ្លាំងណាស់ ដែលបុរសម្នាក់ត្រូវបានដឹងថាជាកម្មករនៅក្នុងបុរីមួយកន្លែង បានងូត និងបោកគក់ខោអាវ នៅក្នុងអាងហែលទឹកយ៉ាងរំភើយ។
តាមរយៈរូបភាពនៃវីដេអូ២ឃ្លីប ដែលបុរសម្នាក់លួចថតពីចម្ងាយ បានបង្ហាញបុរសម្នាក់ ដោយលើកទី១ យកខោអាវមកបោកគក់ នៅក្នុងអាងហែលទឹក ប្រៀបដូចកំពុងនៅក្នុងទឹកស្ទឹងអុីចឹង និងលើកទី២ បានមកងូតទឹក ដោយចាក់សាប៊ូម្សៅពេញៗទូកដៃ មកកក់សក់យ៉ាងចម្លែកតែម្តង។
ក្រោយពីបានឃើញបែបនេះ អ្នកលេងបណ្តាញសង្គម បានខមិនទាំងហួសចិត្តថា៖ «ហាស់ៗ ចប់បាត់ច្រឡំស្មានតែទឹកទន្លេ, អូនធ្លាប់តែនៅស្រុកស្រែ ដល់តែមកនៅក្រុងម្ដង រកកន្លែងបោកគក់ខោអាវមិនឃើញទេ, ពីមុនជាអ្នកទន្លេ ធ្លាប់តែងូតទឹកស្ទឹង ឥលូវមកនៅបុរីមិនទាន់ទម្លាប់, …»៕ រក្សាសិទ្ធិដោយ៖ លឹម ហុង
