អ្នកលេងបណ្តាញសង្គម ថ្មីៗនេះ ពិតជាមានការភ្ញាក់ផ្អើល និងហួសចិត្តខ្លាំងតែម្តង គ្រាដែលបានឃើញវីដេអូ បង្ហាញនារីរូបស្រស់ម្នាក់ ត្រូវបានបុរសជាគូដណ្តឹងតាមទាន់ ខណៈកំពុងសម្ងំជាមួយបុរសផ្សេងនៅក្នុងបន្ទប់ យ៉ាងមានសេចក្តីសុខ។
បើតាមបុរសជាគូដណ្តឹង បាននិយាយថា រូបគាត់ និងនារីនោះ ទើបតែបានភ្ជាប់ពាក្យជាមួយគ្នាហើយថ្មីៗ ប៉ុន្តែ ពេលឡើងមកជួប បែរជាកុហក់ម្តងនៅភ្នំពេញ ម្តងនៅមោង (បាត់ដំបង) ម្តងទៀតនៅសៀមរាប តែតាមការពិត ទៅជួបប្រុសដល់បន្ទប់បែបនេះសោះ។
បើតាមខាងស្រី បាននិយាយថា បុរសជាគូដណ្តឹងបានសុំបែកពីនាង ជាហេតុធ្វើឲ្យរូបនាងខឹង តាំងចិត្តថាមិនយកធ្វើជាប្តីជាដាច់ខាត ហើយក៏រកអ្នកថ្មីមកស្ងំបេះដូងបែបនេះទៅ។ ហេតុនេះ ករណីផិតក្បត់ត្រឹមជាគូដណ្តឹងនេះ យើងក៏មិនដឹងច្បាស់នោះទេ គឺមានតែអ្នកទាំងពីរទើបដឹង ពោលគឺចង្កៀងផ្ទះអ្នកណា ភ្លឺផ្ទះអ្នកនោះ៕ រក្សាសិទ្ធិដោយ៖ លឹម ហុង
