កណ្តាល ៖ រថយន្តបាញ់ស៊ីម៉ងត៍របស់ក្រុមហ៊ុន ជី ធាង លាងបេតុង ក្រឡាប់បណ្តាលឱ្យស្លាប់មនុស្សម្នាក់និងរងរបួសធ្ងន់ម្នាក់នៅថ្ងៃទី២២ ខែឧសភា ឆ្នាំ២០១៨ វេលាម៉ោង ១៧ នៅចំណុចផ្លូវលំ ភូមិកំពង់អុស ឃុំកំពង់អុស ស្រុកពញាឮ ខេត្តកណ្តាល។
របាយការណ៍របស់អធិការស្រុកពញាឮបានឱ្យដឹងថាមុនពេលកើតហេតុមានរថយន្តមួយគ្រឿងម៉ាកហ្វុយស៊ូ ពណ៌បៃតង ឆ្នូតស ពាក់ស្លាកលេខ ភ្នំពេញ 5A-0291 បើកបរទិសដៅពីត្បូងទៅជើង អ្នកបើកបរមិនស្គាល់អត្តសញ្ញាណ លុះពេលបើកមកដល់កន្លែងកើតហេតុ បានរអិលក្រឡាប់ធ្លាក់ទៅក្រោមថ្នល់ បណ្តាលឱ្យស្លាប់ម្នាក់ និងរងរបួសធ្ងន់ម្នាក់ឈ្មោះ ហ៊ួត ឡៃ ភេទប្រុស អាយុប្រហែល៣០ឆ្នាំ។
ក្រោយកើតហេតុកម្លាំងជំនាញបានចុះវាស់វែងយកមធ្យោបាយ យកទៅរក្សាទុកនៅការិយាល័យជំនាញដើម្បីដោះស្រាយតាមនីតិវិធី ៕ ដោយ៖បញ្ញាស័ក្តិ
