Tuesday, August 16, 2022

សំណាង​មើល​មិនឃើញ​មែន! ទិញ​ជ្រូកព្រៃ​មក​ធ្វើម្ហូប រក​ឃើញ​វត្ថុ​នេះ​ក្នុង​ក្រពះ មានតម្លៃ​ស្មើ​ត្បូងពេជ្រ គេ​ហ៊ាន​ឲ្យថ្លៃ​រហូតដល់​ទៅ…

spot_img

កាលពីថ្ងៃទី២៨ ឧសភា កន្លងទៅ អ្នកស្រី Nguyen Thi Thu Hien (រស់នៅក្នុងទីក្រុង Tuy Hoa ខេត្ត Phu Yen) បានឲ្យដឹងថា គ្រួសាររបស់នាងកំពុងរង់ចាំគណៈប្រតិភូពីទីក្រុងហូជីមិញ មកផ្ទះរបស់នាង ដើម្បីមើលវត្ថុដ៏ចម្លែកមានរូបរាងដូចជ្រូកខ្សាច់ ទម្ងន់ ១,១ គីឡូក្រាម និងយល់ព្រមលើតម្លៃទិញលក់ ៥០០ លានដុង (ស្មើជាង ២ ម៉ឺនដុល្លារអាមេរិក)។

អ្នកស្រី Hien បាននិយាយថា «ជ្រូកខ្សាច់» ដែលនាងរក្សាទុកនេះ ត្រូវបានរកឃើញកាលពីថ្ងៃទី២៥ ឧសភា ដោយនៅពេលនោះ គ្រួសាររបស់នាងបានទិញជ្រូកព្រៃមកពីស្រុក Phu Hoa (Phu Yen) ដើម្បីយកកាប់យកសាច់។ ប៉ុន្តែ អ្វីដែលភ្ញាក់ផ្អើលនោះ គឺស្រាប់តែបានរកឃើញវត្ថុរឹងដ៏ចម្លែក និងធ្ងន់ នៅក្នុងក្រពះរបស់ជ្រូកព្រៃ។

អ្នកស្រី Hien និយាយថា «យើងបានលាងវា ហើយសង្កេតឃើញវា​ដូចជ្រូកខ្សាច់អុីចឹង គឺដូចអ្វីដែលយើងបានអានក្នុងសៀវភៅ និងកាសែត ទើបយើងយកវា​ទៅ​ដាក់ក្នុងទូទឹកកក បន្ទាប់មក​ខ្ញុំថតរូបបង្ហោះ​លើ​បណ្ដាញសង្គម»។ អ្នកស្រី Hien បន្តថា «នៅពេលនោះ មានមនុស្សជា​ច្រើន​បានសុំទិញក្នុងតម្លៃ​ខ្ពស់បំផុត​គឺ ៥០០ លានដុង ពួកគេ​បានណាត់ខ្ញុំ​ដោយធ្វើដំណើរពីទីក្រុងហូជីមិញ​ដើម្បីមកពិនិត្យ​ «ជ្រូកខ្សាច់» ហើយក៏បានយល់ព្រមលើ​តម្លៃនេះ»។

បើតាមម្ចាស់ជ្រូកព្រៃ អ្នកស្រី Luong Hien (រស់នៅស្រុកភូហៀ អ្នកលក់ស្រែ) បានឲ្យដឹងថា ជ្រូកនេះជាជ្រូកព្រៃ គាត់ចិញ្ចឹមជាង១០ឆ្នាំ មកហើយ ប៉ុន្តែឥឡូវវាចាស់ហើយ ទើបលក់ឲ្យអ្នកស្រី Hien យកមកកាប់សាច់។

តាមការសង្កេត​របស់អ្នកយកព័ត៌មាន Dan Tri វត្ថុនេះ​គេ​ជឿ​ថា​ជា​ជ្រូកខ្សាច់​មានរាងអឌ្ឍចន្ទ ក្លិនរបស់វា​ក្រអូបស្រាល​ស្រដៀងនឹងក្លិនថ្នាំបុរាណចិន ហើយមានពណ៌ខ្មៅ​ច្រើន សក់រឹងខាងក្រៅ ហើយធ្ងន់។

គ្រូពេទ្យឱសថបុរាណមកពីសមាគមឱសថបូព៌ាខេត្ត Phu Yen បាននិយាយថា តាំងពីយូរយារណាស់មកហើយ ជ្រូកខ្សាច់ត្រូវបានចាត់ទុកថាជារបស់កម្រណាស់។ តែទោះបីជាយ៉ាងណាក៏ដោយ មកទល់នឹងពេលនេះ មិនទាន់មានការសិក្សាស្រាវជ្រាវណាមួយ ដែលអាចបញ្ជាក់បានថា វាអាចព្យាបាលជម្ងឺអ្វីបាននៅឡើយ។

យោងតាមឯកសារវេជ្ជសាស្ត្របូព៌ា វត្ថុនេះត្រូវបានគេស្គាល់ថាជា “ខ្សាច់ជ្រូក” ឬ “ជ្រូកខ្សាច់” វាជាប្រភេទនៃការប្រមូលផ្តុំសារធាតុនៅក្នុងប្រព័ន្ធរំលាយអាហាររបស់ជ្រូក ដូចជានៅក្នុងក្រពះ និង ពោះវៀន ។ ទឹកប្រមាត់ប្រមូលផ្តុំតាមពេលវេលា។

លក្ខណៈរបស់ខ្សាច់ជ្រូក គឺភាពផ្អែម ត្រជាក់ និងក្លិនរុក្ខជាតិ ដែលមានឥទ្ធិពលលើចិត្ត និងថ្លើម ហើយត្រូវបានគេនិយាយថា មានតម្លៃសេដ្ឋកិច្ចឱសថ និងការព្យាបាល ដោយសារតែការប្រមូលផ្តុំរយៈពេលយូរនៅក្រោមលក្ខខណ្ឌប្រហាក់ប្រហែលនឹងត្បូងដ៏មានតម្លៃ៕ រក្សាសិទ្ធិដោយ៖ លឹម ហុង