Thursday, March 28, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ហួសចិត្ត​ណាស់! សែន​ក្បាលទឹក អត់​នៅផ្ទះ ឆេះ​កុងម៉ា ផ្អើល​អ្នកជិតខាង​ភ័យ​ស្លន់ស្លោ​គ្រប់គ្នា…

spot_img

ថ្ងៃនេះ (ទី១២​ សីហា ឆ្នាំ២០២២) ឃើញថាប្រជាពលរដ្ឋខ្មែរជាច្រើន ជាពិសេសនៅក្នុងរាជធានីភ្នំពេញ មិនថាខ្មែរសុទ្ធ ឬ អ្នកខ្សែស្រឡាយកាត់ចិននោះទេ បាននាំគ្នាសែនក្បាលទឹកយ៉ាងគគ្រឹកគគ្រេង ដោយធ្វើឡើងទៅតាមប្រពៃណីរបស់ដូនតា ដើម្បីសុំសេចក្តីសេចក្តីសុខ លាភសំណាង និងភ្លៀងធ្លាក់ត្រជាក់ត្រជុំ។

តែអ្វីដែលគួរឲ្យភ្ញាក់ផ្អើល និងហួសចិត្តខ្លាំងបំផុតនោះ គឺក្នុងអំឡុងពេលវេលានៃពិធីសែន កំពុងប្រព្រឹត្តទៅ ស្រាប់តែផ្ទះមួយបានឆេះកុងម៉ាឡើងសន្ធោសន្ធៅ ផ្អើលអស់អ្នកផ្ទះជិតខាងភ័យស្លន់ស្លោគ្រប់ៗគ្នាតែម្តង។

ហេតុការណ៍នេះ បានកើតឡើងនៅក្នុងបុរីពិភពថ្មី ផ្សារឈូកមាស (ផ្លូវ២) នៅវេលាម៉ោងប្រមាណជាង ១០ ព្រឹក ថ្ងៃទី១២ ខែសីហា ឆ្នាំ២០២២។ ចំពោះមូលហេតុ គេមិនបានដឹងនោះទេ ប៉ុន្តែ អគ្គីភ័យត្រូវបានបណ្តែតបណ្តោយឲ្យឆាបឆេះដល់ថ្នាក់នេះ គឺដោយសារតែម្ចាស់ផ្ទះមិននៅ។

តែទោះជាយ៉ាងណា ភ្លើងឆេះកុងម៉ាសែនក្បាលទឹកនេះ ពុំបង្កឲ្យរីករាលធ្ងន់ធ្ងរនោះទេ ដោយសារសំណាង បានប្រជាពលរដ្ឋជិតខាង ប្រទះឃើញ ហើយពួកគាត់បាននាំគ្នាខ្នះខ្នែងជួយគាស់ទ្វារ ដើម្បីពន្លត់ភ្លើងទាន់ពេលវេលា៕ រក្សាសិទ្ធិដោយ៖ លឹម ហុង

spot_img
×