ថ្មីៗនេះ វីដេអូ TikTok មួយស្តីបង្ហាញការខិតខំប្រឹងប្រែង និងការលះបង់របស់នារីម្នាក់ ដើម្បីបំពេញចំណង់ចំណូលចិត្តរបស់នាង បានក្លាយជាអ្នកប្រណាំងម៉ូតូ បានកំពុងតែល្បីខ្លាំង។
Yulina ជាអ្នកប្រណាំងម៉ូតូជនជាតិម៉ាឡេស៊ី បានឲ្យដឹងថា នាងមកពីគ្រួសារវណ្ណៈកម្មករ ដែលធ្វើការងារពេញមួយជីវិត ដើម្បីមានលុយចិញ្ចឹមក្រពះ។ តែសំណាងល្អ ឪពុកម្តាយរបស់នាងបើកចិត្តទូលាយ ដោយអនុញ្ញាតឱ្យនាងធ្វើការសម្រេចចិត្តដោយខ្លួនឯង ទាក់ទងនឹងអ្វីដែលនាងចង់ធ្វើក្នុងជីវិតរបស់នាង។
អ្វីដែលនាងជ្រើសរើសគឺការខិតខំប្រឹងប្រែង ដោយនាងចាប់ផ្តើមជាមួយនឹងការងារបម្រើជាអ្នកចែកបៀកាស៊ីណូរយៈពេល ៨ ម៉ោង និងចំណាយពេល ៦ ទៅ ៨ ម៉ោងទៀតជាអ្នករត់តុ។ ការងារមមាញឹករបស់នាង ពេលខ្លះធ្វើឱ្យនាងភ្លេចញ៉ាំអាហារ។ ប៉ុន្តែ ទោះបីការងារលំបាកយ៉ាងណាក៏ដោយក៏នាងនឹងមិននឿយហត់ដែរ ព្រោះតែដើម្បីសន្សំប្រាក់សម្រាប់ក្តីសុបិន នោះគឺការចូលរួមប្រកួតជើងឯកថ្នាក់ជាតិ។
Yulina បានបង្ហើបថា ការប្រណាំងជាកីឡាដែលមានតម្លៃថ្លៃណាស់។ អ្នកប្រណាំងភាគច្រើនមកពីគ្រួសារអ្នកមាន ខណៈពេលដែលអ្នកមិនទាន់មាន វាត្រូវការការខិតខំប្រឹងប្រែងដើម្បីជម្នះការលំបាក ហើយក៏បង្វែរចំណុចខ្សោយទៅជាចំណុចខ្លាំងផងដែរ។
យ៉ាងណាក៏ដោយ ស្រីស្អាតវ័យក្មេងរូបនេះទទួលស្គាល់ថា ដំបូងឡើយ នាងមិនដែលស្រមៃចង់ក្លាយជាអ្នកបើកម៉ូតូប្រណាំងទេ ពោលគឺវាជារឿងដែលនាងមិនដែលបានគិតដល់ទាល់តែសោះ។ ប៉ុន្តែវាបានចាប់ផ្តើមនៅពេលដែលនាងសន្សំលុយទិញបានសម្រាប់ម៉ូតូធំកម្លាំង 250cc ១គ្រឿង។
នាងនិយាយថា «ខ្ញុំគិតថា អ្នកប្រណាំងគ្រប់រូបច្បាស់ជាធ្លាប់ឆ្លងកាត់រឿងនេះ។ ពួកគេប្រហែលជាជឿថា ពួកគេជាអំណោយពីព្រះដល់ពិភពលោក ដោយសារតែពួកគេអាចជិះម៉ូតូធំបាន»។ ទោះជាយ៉ាងណាក៏ដោយ ការលេងសើចរបស់នាងបានផ្លាស់ប្តូរយ៉ាងដ៏មិននឹកស្មាន បន្ទាប់ពីនាងបានទៅទស្សនាផ្លូវតូចមួយក្នុងទីក្រុង Sepang -ជាកន្លែងដែលអ្នកប្រណាំងធម្មតា ត្រូវបានអនុញ្ញាតឱ្យហាត់ប្រណាំងម៉ូតូ។
នៅទីនោះ Yulina បានដឹងថា ពេលឃើញអ្នកប្រណាំងដទៃ ធ្វើបានដ៏អស្ចារ្យ ធ្វើឲ្យនាងមិនរំពឹងទុកនោះទេ ព្រោះពួកគេគ្រប់គ្នាសុទ្ធតែមានល្បឿនលឿន បើកម៉ូតូឆ្លងកាត់នាងទាំងអស់។ តែទោះជាយ៉ាងណា វាធ្វើឱ្យនាងមានការចាប់អារម្មណ៍យ៉ាងខ្លាំង ហើយនាងបានសច្ចានឹងខ្លួនឯងថា ថ្ងៃណាមួយនាងនឹងអាចជិះដូចគេបាន។
បន្ទាប់ពីថ្ងៃនោះ នាងបានបោះជំហានដើម្បីបន្តក្តីសុបិនរបស់នាងក្នុងការក្លាយជាអ្នកបើកម៉ូតូប្រណាំង ដោយចាប់ផ្ដើមពីការប្រកួតក្រៅផ្លូវការមុនពេលចូលរួមការប្រណាំងក្នុងព្រឹត្តិការណ៍រៃអង្គាសប្រាក់ក្នុងឆ្នាំ២០១៧ ដោយបានឈ្នះរង្វាន់លើកដំបូង ហើយនាងក៏បានព្យាយាមចូលរួមក្នុងការប្រកួតដែលអនុម័តដោយរដ្ឋាភិបាលនិងរួមទាំងការប្រកួតដែលរៀបចំដោយសហព័ន្ធបរទេសផងដែរ។
ទោះជាយ៉ាងណា Yulina ទទួលស្គាល់ថា នៅមានអ្វីដែលនាងត្រូវរៀនច្រើនទៀត។ អ្វីៗមិនងាយស្រួលដូចដែលពួកគេគិតនោះទេ។ កាលពីមុននាងបានបាក់ដៃ របួសលើមុខ និងឆ្អឹងក នាងមានអារម្មណ៍ពីការប្រកួតថាអ្វីដែលអ្នកបានឃើញគឺខុសពីអ្វីដែលពិត៕ រក្សាសិទ្ធិដោយ៖ លឹម ហុង
@rosyulina What does it mean to be human? Apakah erti menjadi seorang manusia? Qué significa ser humana?
♬ Without base(845482) – zomap