Tuesday, May 24, 2022

ទៅ​ឆក់​កណ្តុរ បែរ​ជា​ឆក់​ខ្លួនឯង​ស្លាប់​វិញ​

​ខេត្ត​ព្រៃវែង​៖​មាន​ករណី​មនុស្ស​ស្លាប់ ដោយសារ​ឧបករណ៍​ខ្សែលួស​ដុំ​ឆក់​កណ្តុរ នៅ​ចំណុច​បឹង​លលា​ខាងលិច​ព្រែក​ទោល មាន​ចំងាយ​ប្រហែល ២​គីឡូម៉ែត្រ ពី​ផ្ទះ​ជនរងគ្រោះ នៅ​ថ្ងៃ​ព្រហស្បតិ៍ ទី​២៤ ខែ​ឧសភា ឆ្នាំ​២០១៨ វេលា​ម៉ោង​ប្រហែល ៣​និង​៣០​នាទី ស្ថិតនៅ​ភូមិ​ព្រែក​ក្រូច ឃុំ​ព្រែក​តាសរ ស្រុក​ពោធិ​រៀង ខេត្ត​ព្រៃវែង ។​

​សាកសព​មាន ឈ្មោះ ត្រិះ សៀង​ហេង ភេទ​ប្រុស អាយុ​២១​ឆ្នាំ មុខរបរ​កសិករ មាន​ទីលំនៅ​ភូមិ ឃុំ​ខាងលើ ។​

បើ​តាម​នគរបាល​មូលដ្ឋាន បានឱ្យដឹងថា មូលហេតុ​ដំបូង គឺ​ជនរងគ្រោះ បាន​ទៅ​ដាក់​ឧបករណ៍​ខ្សែលួស​ដុំ​ឆក់​កណ្តុរ តែ​ដល់​ក្រោយមក ក៏​ដើរ​រើស​កណ្តុរ ដែល​ឆក់ មិន​បាន​ប្រុងប្រយ័ត្ន​ក៏​រអិល​ជើង​ដួល ទៅ​ប៉ះ​ដៃ​ខាងឆ្វេង ជាប់​នឹង​ខ្សែលួស ឱប​នឹង​ដើមទ្រូង បណ្តាលឲ្យ​ស្លាប់​នៅ​កន្លែងកើតហេតុ ។​

ក្រោយពី​បាន​ពិនិត្យ​សាកសព​ចប់​សព្វ​គ្រប់​សមត្ថកិច្ច​សន្និដ្ឋានថា ឈ្មោះ ត្រិះ សៀង​ហេង ពិតជា​បាន​ស្លាប់ ដោយសារ​ឧបករណ៍ ខ្សែលួស​ដុំ​ឆក់​កណ្តុរ​ខ្លួនឯង ប្រាកដ​មែន ៕ ​ដោយ​៖​បញ្ញា​ស័ក្តិ​