Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

កូរ៉េខាងត្បូង​ដាក់ទណ្ឌកម្ម​បន្ថែម​លើ បុគ្គលិក​ជាន់ខ្ពស់ ១៨​នាក់ របស់​កូរ៉េខាងជើង​

spot_img

​ប្រទេស​កូរ៉េខាងត្បូង នៅ​ថ្ងៃ​ច័ន្ទ​នេះ​បានសម្រេច​ដាក់ទណ្ឌកម្ម​ដោយ​ឯកតោភាគី លើ​មន្ត្រី​កូរ៉េខាងជើង​ចំនួន ១៨​នាក់ ដោយ​ហាម​មិន​ឲ្យ​មានការ​ដោះដូរ​ជំនួញ​ហិរញ្ញវត្ថុ​រវាង​ប្រជាជន​កូរ៉េខាងត្បូង និង​មនុស្ស​ដែល​រង​ទណ្ឌកម្ម​ទាំងនោះ​។ នេះ​បើតាម​ការចេញផ្សាយ​រប​ស់​សារ​ព៌​ត​មាន​សិង្ហ​បុរី Channle News Asia​។​

ការដាក់ទណ្ឌកម្ម​បន្ថែម​របស់​កូរ៉េខាងត្បូង​លើ​បុគ្គល​កូរ៉េខាងជើង គឺជា​ផ្នែក​មួយ​នៃ​កិច្ចប្រឹងប្រែង​ដើម្បី​បិត​ខ្ទប់​លំហូរ​សាច់ប្រាក់​ខុសច្បាប់​របស់​របប​កុ​ម្មុនិ​ស្ត​ព្យុងយ៉ាង​។​

​បុគ្គល​ទាំង ១៨​នាក់​ដែល​កូរ៉េខាងត្បូង​បានដាក់​ទណ្ឌកម្ម គឺមាន​ទំនាក់ទំនង​ផ្ទាល់​ជាមួយនឹង​ធនាគារ​របស់​កូរ៉េខាងជើង​ជាច្រើន​។ នេះ​បើតាម​ការប្រកាស​របស់​រដ្ឋមន្ត្រី​ហិរញ្ញវត្ថុ​កូរ៉េខាងត្បូង​។

​បើតាម​មន្ត្រី​រដ្ឋាភិបាល​កូរ៉េខាងត្បូង​ដែល​បាន​ចូលរួម​ដំណើរការ​នៃ​ការដាក់ទណ្ឌកម្ម​លើ​បុគ្គល​កូរ៉េខាងជើង​បាន​ឲ្យ​ដឹងថា “​អ្នក​ទាំង ១៨​នាក់​ដែលជា​មនុស្ស​នៅ​វិទ្យាស្ថាន​ហិរញ្ញវត្ថុ​កូរ៉េខាងជើង ត្រូវបាន​ដាក់ទណ្ឌកម្ម​ដោយ​អង្គការសហប្រជាជាតិ​រួចមកហើយ​។ ពួកគេ​គឺជា​បុគ្គលិក​ជាន់ខ្ពស់​ដែល​ជាប់ទាក់ទង​ដោយផ្ទាល់​ទៅនឹង​កម្មវិធី​អភិវឌ្ឍន៍​នុយក្លេអ៊ែរ និង​មី​ស៊ី​ល​របស់​កូរ៉េខាងជើង ព្រមទាំង​កិច្ចការ​ផ្គត់​ផ្គង​ការដូរ​ប្រាក់​បរទេស​”​។​

​អ្នកនាំពាក្យ​ក្រសួង​រួបរួម​កូរ៉េខាងត្បូង ឈ្មោះ Baek Tae-hyun បាន​និយាយប្រាប់​ប្រព័ន្ធ​ផ្សព្វផ្សាយ​ថា “​ការដាក់ទណ្ឌកម្ម​គឺមាន​គោលបំណង​ជំរុញ​ឲ្យ​ប្រជាជន​ចៀសវាង​ធ្វើ​ជំនួញ​ជាមួយនឹង​កូរ៉េខាងជើង និង​មានការ​ប្រុងប្រយ័ត្ន​ជាមួយនឹង​ជំនួញ​ដែល​ជាប់​ទាក់​ទឹង​នឹង​កូរ៉េខាងជើង​”​។​

​អ្នកនាំពាក្យ​ដដែល​ថ្លែង​ទៀតថា ពួកយើង​រំពឹងថា​វា​នឹង​អាចជួយ​ខ្ទប់​ប្រភព​ការផ្លាស់ប្តូរ​ប្រាក់​បរទេស​របស់​កូរ៉េខាងជើង និង​ការអភិវឌ្ឍន៍​អាវុធ​របស់​វា​។​

​ការប្រកាស​ពី​ទណ្ឌកម្ម​បន្ថែម​ប្រឆាំងនឹង​មន្ត្រី​សំខាន់ៗ​កូរ៉េខាងជើង បានធ្វើ​ឡើង​តែមួយ​ថ្ងៃ​ប៉ុណ្ណោះ មុន​ដំណើរ​ទស្សនៈកិច្ច​របស់​ប្រធានាធិបតី​អា​មេ​រិច ដូ​ណា​ល់ ត្រាំ ដែល​កំពុងធ្វើដំណើរ​ទ​ស្សនៈ​កិច្ច​នៅក្នុង​តំបន់​អាស៊ី​ ៕ ដោយ ៖ សុភ័ក្ត្រ

 

spot_img
×