នៅរសៀលថ្ងៃទី២៩ ខែសីហា ប៉ូលីសក្រុង Tam Ky ខេត្ត Quang Nam បាននិយាយថា ពួកគេបានបញ្ជាឱ្យចាប់ខ្លួន Tran Son Ba (អាយុ ២៣ ឆ្នាំ) មានទីលំនៅក្នុងឃុំ Tam Phu ទីក្រុង Tam Ky ដើម្បីស៊ើបអង្កេតក្នុងករណីប្លន់ហាងលក់មាស»។
តាមនគរបាលក្រុង Tam Ky បានឲ្យដឹងថា នៅប៉ុស្តិ៍នគរបាល ជនសង្ស័យឈ្មោះ Tran Son Ba បានសារភាពថា ខ្លួនត្រូវការលុយ ដើម្បីចូលរួមពិធីមង្គការគេ និងមានបំណងល្អយកលុយទៅចែកជូនជនក្រីក្រ ទើបឈានទៅដល់ការធ្វើសកម្មភាពប្លន់ហាងមាសតែម្តង ដោយប្រើកាំបិត និងញញួរ។
ជនសង្ស័យ បានបន្តថា ចូលទៅខាងក្នុង ខ្លួនបានគំរាមមនុស្សរាល់គ្នាយ៉ាងខ្លាំង រួចយកញញួរវាយលើកញ្ចក់ទូជាច្រើនដង។ ហើយសកម្មភាពរបស់ខ្លួននៅពេលនោះ បានធ្វើឲ្យអតិថិជនជាច្រើននៅខាងក្នុងហាង រត់ចេញ។
ប៉ុន្តែ ដោយសារមានបុរស៣នាក់នៅក្នុងហាង បានប្រើកៅអី និងរបស់របរផ្សេងៗ ដើម្បីវាយតបតយ៉ាងសាហាវ ទើបជនសង្ស័យ Ba បានទម្លាក់ញញួរ រត់ចេញពីកន្លែងហេតុតែម្តង។
តែទោះជាយ៉ាងណា ក្រោយការស៊ើបអង្កេតអស់រយៈពេល ៣ ម៉ោង សង្ស័យ Ba ត្រូវបានប៉ូលិសចាប់ខ្លួននៅផ្ទះរបស់គាត់ស្ថិតក្នុងភូមិ Tan Phu ឃុំ Tam Phu៕ រក្សាសិទ្ធិដោយ៖ លឹម ហុង
