បាតុភូត នៃពពកមើលទៅដូចជារលកសមុទ្រ អណ្តែតអណ្តែតទាប អាប់អួរ អមដោយព្យុះផ្គររន្ទះ បានលេចឡើងនៅពេលព្រឹក នៅទីក្រុងបាងកក និងខេត្តជាច្រើន ដែលធ្វើឲ្យមនុស្សមានការភិតភ័យពីគ្រោះធម្មជាតិយ៉ាងខ្លាំង។
នៅថ្ងៃទី២៩ ខែសីហា ឆ្នាំ២០២២ អ្នកប្រើប្រាស់ Twitter ឈ្មោះ tanomtham បានបង្ហោះឃ្លីបមួយនៅម៉ោង 7:36 ព្រឹក ដែលបង្ហាញពីព្រឹត្តិការណ៍នៃពពកដ៏ធំមួយ មើលទៅដូចជារលកវែង។ ខាងក្នុងងងឹតហើយខ្មៅដូចពពកភ្លៀង និងអណ្តែតទាបនឹងផ្ទៃផែនដី ជិតជាងពពកធម្មតា។ ស្ថានភាពពពកដ៏គួរឲ្យខ្លាចទាំងនោះ ត្រូវបានប្រទះឃើញនៅផ្សារមីនីបុរី ខណៈមនុស្សម្នាបានចោទជាចម្ងល់ក្នុងអារម្មណ៍ព្រឺព្រួចថា តើបាតុភូតនេះជាអ្វី?។
ដំបូងឡើយ គេបានរកឃើញថា ប្រភេទពពកទាំងនេះគឺ “Arcus clouds” ដែលជាពពកដែលមានទម្រង់ទាប។ វាត្រូវបានបង្កើតឡើងនៅពេលដែលម៉ាស់ខ្យល់ត្រជាក់ ប៉ះគ្នាជាមួយម៉ាស់ខ្យល់ក្តៅ និងសើម។ ដូចនេះ ខ្យល់ក្តៅ និងសំណើម រុញច្រានឡើងលើ បន្ទាប់មកខ្យល់បក់ខ្លាំង បណ្តាលឱ្យពពកវិលក្នុងផ្លូវដ៏វែង ស្របទៅនឹងផ្ទៃផែនដី។ ពពកបែបនេះ ត្រូវបានចាត់ទុកថាមានហានិភ័យពីរន្ទះមិនទាន់ច្បាស់។ តែទោះយ៉ាងណា បាតុភូត Arcus មិនកើតឡើងដោយងាយនោះទេ។
អ្នកជំនាញនៃនាយកដ្ឋានឧតុនិយមបានបង្ហាញថា បាតុភូតពពក Arcus បង្កឡើងដោយខ្យល់ដែលនាំសំណើមក្នុងបរិយាកាស និងធូលីក្នុងខ្យល់បក់ចូលគ្នាបង្កើតជាពពក Arcus ។ ទម្ងន់នៃពពក Arcus គឺធ្ងន់ជាងពពកភ្លៀងធម្មតា ដោយសារតែវត្តមានរបស់ធូលីនៅក្នុងពពក Arcus ខ្យល់ ធូលី និងសំណើម (ដំណក់ទឹក) ក៏ជាកត្តាចម្បងដែលបណ្តាលឱ្យមានបាតុភូតបែបនេះដែរ។
ភាពខុសប្លែកគ្នារវាងពពកភ្លៀងធម្មតា និងពពកអ័រគីសគឺថា ពពក arcus កើតឡើងនៅជិតផ្ទៃផែនដី។ ចលនានៃពពក Arcus គឺទាបជាង និងខិតទៅជិតផ្ទៃផែនដី។ ប្រសិនបើកត្តាដែលបានរៀបរាប់ខាងលើកកកុញក្នុងបរិមាណច្រើន រហូតដល់ពពក Arcus បក់មកប្រឆាំងនឹងភាពត្រជាក់នៃខ្យល់លើផ្ទៃផែនដី ដូច្នេះ ដុំពពករបស់ Arcus ត្រូវបានបង្កើតឡើង ដែលមើលទៅដូចជាជញ្ជាំងពពកអុីចឹង។
ជាងនេះទៅទៀត នៅព្រឹកថ្ងៃទី២៩ ខែសីហា ពិភពសង្គមបានបង្ហាញពីបាតុភូតពពក Arcus មួយចំនួនធំ នៅក្នុងទីក្រុងបាងកក និងខេត្តជិតខាងក៏អាចមើលឃើញពពកបែបនេះផងដែរ៕ រក្សាសិទ្ធិដោយ៖ លឹម ហុង
