ចេញផុតពីតំបន់ត្រួតពិនិត្យ នៃបរិវេណព្រំដែនអន្តរជាតិប៉ោយប៉ែត ប្រមាណជាង ១០០ ម៉ែត្រ យើងនឹងឃើញផ្សារដ៏ធំមួយ ដែលមានឈ្មោះថា «ផ្សាររុងក្លឿ» ដែលស្ថិតនៅក្នុងស្រុកអារ៉ាញ់ ខេត្តស្រះកែវ ប្រទេសថៃ (ជាប់ព្រំប្រទល់ប៉ោយប៉ែត ខេត្តបន្ទាយមានជ័យ)។
ផ្សារដ៏ធំនេះ គឺជាតំបន់ឆ្លងកាត់លំហូរឆ្លងដែនផ្លាស់ប្តូរពាណិជ្ជកម្ម និងទំនិញផ្សេងៗដ៏សំខាន់ រួមទាំងផ្តល់នូវសេវាទេសចរណ៍ផងដែរ។ បើទោះជាផ្សាររ៉ុងក្លឿ ស្ថិតក្នុងទឹកដីថៃក៏ពិតមែន ប៉ុន្តែអាជីវករសុទ្ធតែជាជនជាតិខ្មែរ ហើយវាគឺជាប្រភពចំណូលយ៉ាងធំសម្បើមសម្រាប់ពលរដ្ឋកម្ពុជា។
ប៉ុន្តែ អ្វីដែលមិននឹកស្មានដល់នោះ គឺខណៈពេលនេះ (ថ្ងៃទី៣១ ខែសីហា ឆ្នាំ២០២២) ផ្សារដ៏ធំមួយនេះ ត្រូវបានទឹកជន់លិចអស់ហើយ ដែលព័ទ្ធជុំវិញទឹកល្ហល្ហេវតែម្តង។
នេះបើតាមប្រភពពីបណ្តាញសង្គមហ្វេសប៊ុក បានចែករំលែករូបភាពជាច្រើនសន្លឹក និងបញ្ជាក់យ៉ាងដូច្នេះថា៖ «លិចហេីយៗៗ. អ្នកផ្សាររ៉ុងក្លឿពេលនេះ តែមែនសញ្ញាលេចពិភពលោកទេ ហាមទៅណា គេងផ្ទះមានសុវត្ថិភាពបំផុត ហាមទ្បេីងភ្នំសមត្ថកិច្ច (Lock down) ហេីយ.. ត្រៀមលេីកអីវ៉ាន់ 31/8/22 ចុងខែ លាងផ្សារ»៕ រក្សាសិទ្ធិដោយ៖ លឹម ហុង
