រឿងរ៉ាវ “គួរឲ្យអស់សំណើចមួយ” បានកើតឡើងនៅទីក្រុងតាន់បក តៃវ៉ាន់ ។ យុវជនម្នាក់មានអាយុ ២៤ឆ្នាំ ឈ្មោះ Zhong Xing បានបង្កមន្ទិលសង្ស័យដល់អ្នកនៅជុំវិញ ពេលដកប្រាក់ពីម៉ាស៊ីន ATM ក្នុងផ្សារទំនើបមួយ ។ ជាក់ស្តែង Zhong Xing បានដកប្រាក់ពីកាតធនាគារជាច្រើនផ្សេងៗគ្នា ។ ពេលមានអ្នកសួរហេតុអ្វីឈរយូរដូច្នេះ វាប្រញាប់ប្តូរទៅម៉ាស៊ីន ATM ផ្សេង ដើម្បីបញ្ចៀសឆ្លើយសំណួរ ។
ដោយមានការសង្ស័យ អ្នកនៅទីនោះបានទូរស័ព្ទហៅប៉ូលិស ។ ភ្លាមៗនោះ អនុប្រធានប៉ុស្តិ៍ប៉ូលិស រួមដំណើរជាមួយប៉ូលិសស្រីវ័យក្មេងម្នាក់ បានមកដល់កន្លែងកើតហេតុ ។ ពួកគេប្រញាប់ចាប់ខ្លួន Zhong Xing ដើម្បីសួរចម្លើយ ។
ពិតជាគួរឲ្យភ្ញាក់ផ្អើល Zhong Xing បានបដិសេធរាល់ការចោទប្រកាន់មកលើខ្លួន ។ ប៉ុន្តែពេលងាកទៅឃើញរូបសម្រស់របស់ប៉ូលិសស្រី វាស្រាប់តែទទួលទោស និង…ទាមទារសុំលេខទូរស័ព្ទដើម្បីសុំស្គាល់នាង ។
អនុប្រធានប៉ុស្តិ៍ និងប៉ូលិសស្រីមានមន្តស្នេហ៍ ។
បន្ទាប់មកជនល្មើសត្រូវបានបញ្ជូនទៅប៉ុស្តិ៍ប៉ូលិស ពេលឆែកឆេរក្នុងកាបូបរបស់វាគេបានរកឃើញប្រាក់ជាង ២៧០.០០០ យាន់តៃវ៉ាន់ (ប្រមាណជិត ១០.០០០ដុល្លារ) កាតធនាគារ ៣ សៀវភៅផ្ញើប្រាក់ និងភស្តុតាងផ្សេងៗជាច្រើនទៀតរបស់ការលួចប្លន់ ។
ប្រាក់ និងភស្តុតាងល្មើសច្បាប់ត្រូវបានរកឃើញក្នុងកាបូបរបស់ជនល្មើស។
បានដឹងថា ប៉ូលិសស្រីដ៏ស្រស់ស្អាតននេះ មានឈ្មោះ Liu Yu Shan អាយុ ២៨ឆ្នាំ ។ នាងបានបញ្ចប់ការសិក្សាផ្នែកគ្រប់គ្រងជំនួញ នៅសកលវិទ្យាល័យតៃវ៉ាន់ តែដោយសារបំណងគ្រួសារ បានជាសម្រេចមករួមក្នុងកងកម្លាំងប៉ូលិស ៕ លីសា
