បន្ទាយមានជ័យ ៖ សពបុរសម្នាក់អាក្រាតនៅជើងភ្នំខ្លាកូន ខាងក្រោយវិទ្យាល័យនេះ នាភូមិខ្លាកូនសង្កាត់កំពង់ស្វាយក្រុងសិរីសោភ័ណ កាលពីរសៀលថ្ងៃទី២៨ខែឧសភាឆ្នាំ២០១៨ ។
លោក ប៊ុន តុល នគរបាលព្រហ្មទ័ណ្ឌក្រុងសិរីសោភ័ណអោយដឹងថា ៖ ពលរដ្ឋនិងកម្មករសំណង់នៅការដ្ឋានវិទ្យាល័យហ៊ុនសែន ខ្លាកូន បានប្រទះឃើញសពនោះមានសភាពហើមស្អុយរលួយ នៅជើងភ្នំខ្លាកូនថ្មី ក្នុងរូបរាងអាក្រាតកាយ ខាងត្បូងវិទ្យាល័យហ៊ុនសែន ខ្លាកូន ប្រមាណ ៧០០ម៉ែត្រ។
សពមានជើងទាំងកន្ធែក ដៃលាត អត់ខោ មានតែអាវយឺតដៃខ្លីក្រហម ។ឯខោខូវប៊យដែលស្រាតប្រឡាក់ឈាម នៅឆ្ងាយពីសព១៥ម៉ែត្រ។
យោងការធ្វើកោសល្យវិច្ច័យ សពបានរងរបួសបែកក្បាលពីក្រោយ ៤សង់ទីម៉ែត្រ ដាច់ចង្ការ៥សង់ទីម៉ែត្រ សៀតផ្កាឆ្វេង ស្នាមដាច់៣សម បបូរមាត់លើដាច់៣សង់ទីម៉ែត្រ។ ហើយអាចស្លាប់ពី៥ទៅ៧ថ្ងៃមកហើយ ។
លោក ប៊ុន តុលអោយដឹងថា ៖ យោងគណកម្មការចម្រុះធ្វើកោសល្យវិច័យនិងការសន្និដ្ឋានពីក្រុមគ្រួសារអោយដឹងថា : ជនរងគ្រោះបានបាត់ម៉ូតូ១គ្រឿង មុនរកឃើញសពនេះ ។
សពមានឈ្មោះ ភឿន ស៊ីមឿន ភេទប្រុសអាយុ៣៧ឆ្នាំ (ក្នុងគណនីហ្វេសប៊ុក ដាក់ថា កូវីត ) លំនៅដ្ឋានភូមិគោរដ្ឋានសង្កាត់អូរអំបិលក្រុងសិរីសោភ័ណ ។ជនរងគ្រោះស្លាប់ដោយឃាតកម្មវាយនឹងដុំថ្ម។
ជនរងគ្រោះអាចត្រូវស្ត្រីណាល្បូងទៅរំលោភហើយសម្លាប់ ។ប៉ុន្តែខ្លះថា ជននេះអាចជាអ្នករំលោភស្ត្រី ណាម្នាក់ ហើយគេ(ស្ត្រីឬបុរសណាម្នាក់ឬច្រើននាក់សម្លាប់ទៅវិញទេ ។នេះបើយោងសភាពសពបែបនេះ ហើយត្រូវអ្នកទៅមើលនិងសមត្ថកិច្ចខ្លះបាននិយាយ៕ ដោយ ៖ បន្ទាយ