មួកសុវត្ថិភាព គឺត្រូវតែពាក់គ្រប់ពេល ពេលជិះម៉ូតូ។ ប៉ុន្តែជារឿយៗ យើងតែងតែឃើញមនុស្សធ្វេសប្រហែស និងមិនគោរពច្បាប់ចរាចរណ៍មួយចំនួន គឺនៅតែព្រងើយតន្តើយ ដោយមិនខ្វល់អាចកើតមានគ្រោះថ្នាក់ចរាចរណ៍ធ្ងន់ធ្ងរ ដែលអាចបណ្តាលឲ្យស្លាប់បាននោះទេ។
ជាក់ស្តែង ថ្មីៗនេះ វីដេអូឃ្លីបមួយដែលកំពុងរីករាលនៅលើបណ្តាញសង្គមតៃវ៉ាន់បង្ហាញនារីវ័យក្មេងម្នាក់ ជិះម៉ូតូដោយមិនពាក់មួកសុវត្ថិភាព ហើយថែមទាំងថតរូប Selfie និងវីដេអូឃ្លីបដ៏ហួសចិត្តបំផុតបានធ្វើឲ្យមនុស្សដែលមិនពេញចិត្ត ចូលទៅក្នុងការជជែកដេញដោលយ៉ាងក្តៅគគុក។
វីដេអូឃ្លីបនេះត្រូវបានបង្ហោះទៅកាន់ក្រុមហ្វេសប៊ុកសាធារណៈរបស់តៃវ៉ាន់ 爆廢公公公開版 ដែលមានអ្នកតាមដានជាង ១.១ លាននាក់។ តាមរយៈឃ្លីបនេះ គេអាចមើលឃើញតារាស្រីរូបនេះស្លៀកឈុតសិចស៊ីពណ៌ត្នោត ជិះម៉ូតូគយគន់ទិដ្ឋភាពនៅផ្លូវមាត់សមុទ្រ ខណៈសក់នាងសើមមិនពាក់មួកសុវត្ថិភាព ហើយបានបើកភ្នែកមើលផ្លូវថតវីដេអូ Selfie ញញឹមដាក់កាមេរ៉ា និងសូម្បីបង្វែរកាមេរ៉ាថតរូបសមុទ្រឲ្យមើលទៀតផង។
បន្ទាប់ពីឃ្លីបវីដេអូនេះ ត្រូវបានគេចែកចាយរួចហើយមានមនុស្សជាច្រើនបានចូលមកបញ្ចេញមតិ និងរិះគន់យ៉ាងខ្លាំង។ មនុស្សជាច្រើនបានស្តីបន្ទោសនាង ចំពោះអាកប្បកិរិយាដ៏ប្រឈមគ្រោះថ្នាក់នេះ។ ព្រោះថា ទាំងការជិះម៉ូតូដោយមិនពាក់មួកសុវត្ថិភាព និងថតរូប Selfie ក្នុងពេលតែមួយបែបនេះ គឺអាចបង្កឲ្យមានគ្រោះថ្នាក់យ៉ាងងាយ និងដាស់តឿនអ្នកដទៃ កុំឱ្យយកតម្រាប់តាមនាង។
ទន្ទឹមនោះផងដែរ ក៏មានអ្នកខ្លះបញ្ចេញមតិបែបកំប្លែង ដោយនិយាយថា នាងមិនពាក់មួកសុវត្ថិភាព ព្រោះនាងមាន «ពោងសុវត្ថិភាព» ដ៏ធំៗទាំងគូរួចហើយ។ តែទោះជាយ៉ាងណា នេះគ្រាន់តែជាការលេងសើចប៉ុណ្ណោះ ជាចុងក្រោយ គេក៏បានយល់ស្របថា «អ្នកអាចបង្ហាញភាពសិចស៊ីតាមដែលអាចធ្វើទៅបាន ប៉ុន្តែ សុវត្ថិភាពគឺសំខាន់ ហើយសំខាន់ជាងនេះទៅទៀត គឺអ្នកត្រូវតែគោរពច្បាប់ចរាចរណ៍»៕ រក្សាសិទ្ធិដោយ៖ លឹម ហុង