នេះជាគ្រាមួយដែលមិនអាចបំភ្លេចបាន សម្រាប់បុរសតៃវ៉ាន់វ័យក្មេងម្នាក់ បន្ទាប់ពីបានកុម្ម៉ង់តែទឹកដោះគោពី app ដ៏ល្បីហ្វូ៊តផានដា (foodpanda) ដោយមិននឹកស្មានដល់ថា អ្នកដឹកជញ្ជូន (delivery) យកតែទឹកដោះគោមកបែរជាស្រីស្អាតបែបនេះ ដែលគ្រាន់តែបានឃើញធ្វើឱ្យគាត់ព្រឺសម្បុរតែម្តង។ ហើយមិនថាអ្នកមើលមកយ៉ាងណាទេ ប៉ុន្តែ ពិភពលោកទាំងមូលប្រែទៅជាពណ៌ផ្កាឈូក ជាមួយនឹងភាពគួរឲ្យស្រលាញ់ និងស៊ិចស៊ីរបស់នាង។
គេហទំព័រ Yahoo News នៅថ្ងៃទី៣ ខែកញ្ញា ឆ្នាំ២០២២ បានបង្ហាញថា អតិថិជនវ័យក្មេងនេះ បានបញ្ជាទិញតែទឹកដោះគោ កាលពីចុងខែមុន។ ប៉ុន្តែ គាត់មិននឹកស្មានថា អ្នកដឹកជញ្ជូនយកតែទឹកដោះគោមកគឺជាស្រីស្អាតមានមុខដូចតុក្កតា ពាក់អាវធំ និងបង្ហាញរាងរៅស្លីមជើងវែងស្អាតភ្នែកធំមូលក្លំ ពិតជាស្រស់ស្អាតខ្លាំងណាស់។ ហើយភាពស្រស់ស្អាតរបស់អ្នកដឹកជញ្ជូនវ័យក្មេងរូបនេះ បានធ្វើឱ្យអតិថិជនខ្មាសអៀនយ៉ាងខ្លាំងផងដែរ។
ពេលឃើញបែបនេះ ក៏មិនឲ្យខកបំណងនោះទេ ដោយបុរសរូបនោះ បានសុំស្រីស្អាតថតរូបជាច្រើនប៉ុស្តិ៍ដើម្បីបង្ហោះគ្រាន់បង្អួតអ្នកលេងអ៊ីនធឺណិតដែរ។ ហើយនាងក៏បង្ហាញភាពរីកនឹងនឹងថតមុនពេលប្រញាប់ទៅធ្វើកិច្ចការផ្សេងៗទៀត។ បង្ហោះរូបថតបង្អួតក្នុងក្រុមហ្វេសប៊ុក 爆廢公社公開版 បុរសអតិថិជនរូបនោះ បានពោលពាក្យថា “តែទឹកដោះគោនេះ ពិតជាផ្អែមឆ្ងាញ់ណាស់” ។
ការបង្ហោះនោះ បានរីករាលដាលដោយអ្នកលេងអ៊ីនធឺណិតចូលចិត្តយ៉ាងច្រើន និងបានបញ្ចេញមតិជាច្រើនបែបលេងសើចថា «មើលទឹកដោះគោ អត់មានស្ករ តែធានាពិតជាផ្អែមឆ្ងាញ់, ចាប់ពីថ្ងៃនេះទៅ ខ្ញុំនឹងបញ្ជាទិញផេនដាសម្រាប់រាល់អាហារដែរហើយ…»។
តែទន្ទឹមនឹងនោះ ក៏មានមនុស្សមួយចំនួនមានការសង្ស័យថា ស្រីស្អាតរូបនេះពិតជាទទួលយកការងារជាអ្នកដឹកជញ្ជូនម្ហូបអាហារ ឬគ្រាន់តែថតសម្តែងដើម្បីបង្កើតភាពទាក់ទាញចំណាប់អារម្មណ៍? ក៏មានគេចូលខមិនប្រាប់ថា តាមពិតទៅ នារីម្នាក់នេះមានឈ្មោះ Michelle នាងគឺជាតារាជិះសេះដ៏ល្បីមួយរូបដែលមានអ្នក Follow នៅបណ្ដាញសង្គមដូចជា Facebook, Instagram និង TikTok យ៉ាងច្រើន និងថា ហៅថាអតិថិជនវ័យក្មេងរូបនោះ ពិតជាមានសំណាងណាស់ដែលបានជួប Idol ទេពធីតាដ៏ល្បី៕ រក្សាសិទ្ធិដោយ៖ លឹម ហុង