Thursday, March 28, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

បក្ស​សង្គ្រោះ​ជាតិ មិនទាន់​រំលាយ​ផង មន្ត្រី​បក្ស​ហ្វ៊ុនស៊ិនប៉ិច​ដឹកនាំ​ដោយ សម្តេចក្រុមព្រះ នរោត្តម រណ​ប្ញ​ទ្ធិ ចង់​ពាក់មុខយក្ស​ដាក់គ្នា​ដណ្តើម​កៅអី​តំណាងរាស្ត្រ​

spot_img

​រាជធានី​ភ្នំពេញ​៖ អ្នកវិភាគ​សង្គម និង​ប្រជាពលរដ្ឋ ដែលជា​ម្ចាស់ឆ្នោត សម្តែង​ការមិន​ពេញចិត្ត និង​រិះគន់​ធ្ងន់ៗ ទៅលើ​ទង្វើ​អត់​កេរ្តិ៍ខ្មាស របស់ ថ្នាក់ដឹកនាំ​គណបក្ស​ហ្វ៊ុនស៊ិនប៉ិច ដែល​ស្រមើល​ស្រមៃ ចង់បាន​កៅអី​តំណាងរាស្ត្រ គណបក្ស​សង្គ្រោះ​ជាតិ នៅ​គ្រា​គណបក្សប្រឆាំង​មួយ​នេះ មិនទាន់​ត្រូវបាន​រំ​លោ​យ​ជា​ផ្លូវការ​ផង​នោះ​។​

​ការរិះគន់​នេះ បាន​កើតឡើង​ជាថ្មីទៀត បន្ទាប់ពី កាលពី​ថ្ងៃទី​៦ ខែវិច្ឆិកា ឆ្នាំ​២០១៧ សម្តេចក្រុមព្រះ នរោត្តម រណ​ប្ញ​ទ្ធិ ប្រធាន​គណបក្ស​ហ្វ៊ុនស៊ិនប៉ិច និង​អ្នក​ម្នាង បាន​ដឹកនាំ​កិច្ចប្រជុំ​ផ្ទៃក្នុង​ពិសេស​មួយ ដោយមាន​មន្ត្រីជាន់ខ្ពស់​ស្និទ្ធ​ព្រះអង្គ​មួយចំនួន បាន​ចូលរួម នា​សណ្ឋាគារ​ភ្នំពេញ ប៉ុន្តែ​មិន​ចំហ ឲ្យ​សមាជិក​ក្នុង​បក្ស​ហ្វ៊ុនស៊ិនប៉ិច​ទាំងមូល បានដឹង​ជា​សាធារណៈ​ទេ​។​

​បញ្ហា​នេះដែរ សមាជិក​គណបក្ស​ហ្វ៊ុនស៊ិនប៉ិច​មួយចំនួន ស្នើ​មិន​បញ្ចេញ​ឈ្មោះ បាន​ឲ្យ​អ្នកយកព័ត៌មាន cen.com.kh ដឹងថា កិច្ចប្រជុំ​នេះ សម្តេចក្រុមព្រះ នរោត្តម រណឫទ្ធិ បាន​លើកយក​ប្រធានបទ ទាក់ទង​ការត្រៀម​រៀបចំ​បញ្ជី​ឈ្មោះ​បេក្ខភាព ដែល​នឹងត្រូវ​ទទួល​តំណែង​កៅអី​តំណាងរាស្ត្រ ក្រោយពេល​គណបក្ស​សង្គ្រោះ​ជាតិ ត្រូវ​រំលាយចោល​។​

​សមាជិក​បក្ស​ហ្វ៊ុនស៊ិនប៉ិច​រូបនេះ បញ្ជាក់ថា កិច្ចប្រជុំ​កាលពី​ថ្ងៃទី​៦ ខែវិច្ឆិកា នា​សណ្ឋាគារ​ភ្នំពេញ ដឹកនាំ ដោយ​សម្តេច ក្រុមព្រះ​នរោត្តម រណ​ប្ញ​ទ្ធិ គឺ​មិន​បើកចំហ ឬ​មិន​ប្រកាសប្រាប់ ឲ្យ​សមាជិក​គណបក្ស​ហ៊ុនស៊ិនប៉ិច និង​អ្នកកាសែត បានដឹង​ជា​សាធារណៈ​ទេ​។ លោក​ថា សមាសភាព​អ្នកចូលរួម​សុទ្ធតែ​ជាម​ន្ត្រី​ចាស់​គណបក្ស​ហ្វ៊ុនស៊ិនប៉ិច ដែល​ស្និទ្ធ​សម្តេចក្រុមព្រះ ហើយ​ពួកគេ​ទាំងនោះ មានលទ្ធភាព​បង់លុយ​យក​កៅអី​តំណាងរាស្ត្រ របស់​គណបក្ស​សង្គ្រោះ​ជាតិ ក្រោយ​គណបក្សប្រឆាំង​មួយ​នេះ ត្រូវ​រំលាយចោល​នា​ថ្ងៃ​ខាងមុខ​។ រីឯ​សមាជិក​គណបក្ស​ហ៊ុនស៊ិនប៉ិច ដែល​គ្មាន​លទ្ធភាព​បង់លុយ​យក​កៅអី​តំណាងរាស្ត្រ គឺ​មិន​ត្រូវបាន​អញ្ជើញ ឲ្យ​ចូលរួម​ក្នុង​អង្គប្រជុំ​នោះទេ​។​

​សមាជិក​គណបក្ស​ហ្វ៊ុនស៊ិនប៉ិច ដែល​មើលទៅ ទំនងជា​មិនមាន​ឈ្មោះ​ក្នុង​បញ្ជី ស្រមើល​ស្រមៃ ថា​នឹង​ទទួលបាន​តំណែង​កៅអី​តំណាងរាស្ត្រ ក្រោយ​គណបក្សប្រឆាំង​ត្រូវ​រំលាយ ឬ​គ្មាន​លទ្ធភាព​បង់លុយ យក​កៅអី​តំណាងរាស្ត្រ រូបនេះ អះអាងថា អាច​នឹងមាន​ការតវ៉ា​ទ្រង់ទ្រាយ​ធំ​ណាមួយ ពី​សំណាក់​សមាជិក​គណបក្ស​ហ្វ៊ុនស៊ិនប៉ិច ទាក់ទង​ការដាក់​ឈ្មោះ​ដែល​នឹងត្រូវ​ទទួលបាន​តំណែង​កៅអី​តំណាងរាស្ត្រ ក្រោយពេល​គណបក្ស​សង្គ្រោះ​ជាតិ ត្រូវ​រំលាយ​នា​ថ្ងៃ​ខាងមុខ​៕ ដោយ​៖ សត្យា​


spot_img
×