គ្រួសារមានកូនច្រើនបំផុតប្រទេសអង់គ្លេស របស់លោក និងលោកស្រី Rodford ត្រៀមស្វាគមន៍បន្ថែមសមាជិកថ្មី ។
អ្នកស្រី Sue Radford អាយុ ៤៣ឆ្នាំ និងលោក Noel Rodford អាយុ ៤៧ឆ្នាំ នៅសង្កាត់ Lancashire ទើបនឹងបង្ហាញរូបភាពអេកូ និងវីដេអូមួយប្រាប់ថា ពួកគេកំពុងរង់ចាំស្វាគមន៍កូនទី ២១ ។ ក្នុងវីដេអូអ្នកស្រី Sue រីករាយបង្អួតផ្ទៃពោះ និងឲ្យដឹងថាខ្លួនកំពុងមានគភ៌កូនស្រី ។
ប្តីប្រពន្ធទាំង២ និងកូនៗបានជាវក្រដាសផ្កាឈូក ដើម្បីអបអរដំណឹងដ៏រីករាយនេះ ។ កូនទី ២១ នឹងមានតមួយអាយុជាមួយកូនដំបូងដល់ទៅ ៣០ឆ្នាំ ។ មុននោះ Sue និង Noel ធ្លាប់ប្រកាសថា កូនស្រីទី ២០ ដែលកើតកាលពីខែកញ្ញា ឆ្នាំមុននឹងកូនចុងក្រោយរបស់ពួកគេ ។
គ្រួសារ Radford ក្នុងកម្មវិធី ITV កាលពីខែមករា ។
អ្នកស្រី Sue កើតកូនដំបូងពេលទើបមានអាយុ ១៤ឆ្នាំ ។ ពួកគេនៅមានកូនប្រុសម្នាក់បានស្លាប់ក្នុងពោះកាលពីឆ្នាំ ២០១៤ ។ អ្នកទាំងពីរក៏បានមានចៅ ៣នាក់ ។ “ពួកយើងគិតបង្កើតកូន ៣នាក់ តែដោយសារចូលចិត្តមានក្មេងៗនៅក្បែរ ហេតុនេះក៏បង្កើតបន្ថែមទៀត ។ ពួកយើងត្រូវញៀនរឿងមានកូន” , លោក Noel ឲ្យដឹង ។
ក្នុងកម្មវិធី “20 Kids and Counting” គ្រួសារ Rodford ឲ្យដឹងថា ពួកគេនឹងមិនសំណូមពរខ្ទង់ឧបត្ថម្ភណាមួយពីរដ្ឋាភិបាល ក្រៅពីគោលនយោបាយធម្មតាសម្រាប់កុមារ។
ប៉ុន្តែចំណាយប្រចាំថ្ងៃក៏ជាបញ្ហាធំមួយចំពោះ Sue និង Noel ។ ប៉ាន់ស្មានប្តីប្រពន្ធនេះ ចំណាយប្រមាណ ៣០.០០០ផោន (៤០.០០០ដុល្លារអាមេរិក) ក្នុង១ឆ្នាំសម្រាប់កូនៗ ក្នុងនោះ ១០០ ផោន សម្រាប់ខួបកំណើតកូនម្នាក់ៗ និង ១០០-២៥០ផោន សម្រាប់គ្រិស្គម៉ាស់ ។ ក្រៅពីនេះពួកគេក៏ធ្វើទេសចរណ៍ទៅក្រៅប្រទេសក្នុង១ឆ្នាំម្តង ៕ ចន្ទ្រា
វីដេអូ ៖ គ្រួសារ Radford អបអរដំណឹងរីករាយ
