កំពង់ចាម ៖ អភិបាលខេត្តកំពង់ចាម លោក គួច ចំរើនបានលើកឡើងថា បញ្ហាឱថសក្លែងកា្លយ ត្រូវបង្កើនការទប់ស្កាត់ ឱ្យមានប្រសិទ្ធភាព ពិសេសគឺក្រុមពេទ្យ ដែលបានដើរចាក់ថ្នាំគ្មានច្បាប់ ដោយមានរហូតដល់ជាង៥០០នាក់ ត្រូវតែមានវិធានការទប់ស្កាត់ ហើយបើគ្លីនិកឯកជនណា បើកបង្រៀនផ្នែកពេទ្យ ត្រូវតែបញ្ឈប់ជាបន្ទាន់ ដោយនេះជាអំពើល្មើសច្បាប់។
លោក គួច ចំរើន បានលើកឡើងបែបនេះ កាលពីព្រឹកថ្ងៃពុធ ទី៣០ ខែឧសភា ឆ្នាំ២០១៨ ក្នុងពិធីជួបសំណេះសំណាលជាមួយមន្ត្រី សុខាភិបាលខេត្តខេត្តកំពង់ចាម នៅសាលប្រជុំមន្ទីរសុខាភិបាលខេត្តកំពង់ចាម ដោយមានការចូលរួមពីអស់លោកជាប្រធានអនុ ប្រធានមន្ទីរសុខាភិបាល ជាប្រធានអនុប្រធានការិយាល័យ ប្រធានអនុប្រធានមន្ទីរពេទ្យបង្អែក ស្រុកប្រតិបត្តិ និងប្រធានមណ្ឌលសុខភាពនៅទូទាំងខេត្ត។
លោកអភិបាល បានបន្តថា ចំពោះសុវត្ថិភាពចំណីអាហារ លោកសុំឱ្យម្ចាស់អាហាដ្ឋាន ដែលគ្មានច្បាប់ត្រូវមកធ្វើច្បាប់ និងបន្តរកវិធានការអប់រំឱ្យគាត់ មកសុំច្បាប់ឲ្យបានត្រឹមត្រូវ ដើម្បីដឹងសាវតារ និងពួកគាត់ចូលរួមធ្វើអនាម័យ បរិស្ថានដោយម្ចាស់ការ ដើម្បីសុខភាពសាធារណៈ។
លោក គួច ចំរើន ក៏បានជំរុញ ដល់មន្ត្រីពាក់ព័ន្ធទាំងអស់ យកចិត្តរបស់អ្នកជំងឺ មកដាក់ក្នុងខ្លូន និង អ្នកជំងឺត្រូវយកចិត្តគ្រូពេទ្យមកដាក់ខ្លួន។
លោក គួច ចំរើន ក៏បានលើកឡើងនូវសំណូមពរ របស់ អ្នកជំងឺ បុគ្គិល បសស និងបុគ្គលិកសុខាភិបាល ក្រោយពីលើកឡើងពីសំណូមពររបស់ អ្នកជំងឺ បុគ្គលិកបេឡាជាតិសន្តិសុខសង្គម (ប.ស.ស) និងបុគ្គលិកសុខាភិបាល។ លោកអភិបាល ក៏បានដោះស្រាយនូវបញ្ហារជាច្រើននៃការលើកឡើងទាំងនោះ។
លោក ក៏បានស្នើឲ្យ ដល់មន្ត្រីពាក់ព័ន្ធទាំងអស់ យកចិត្តរបស់ អ្នកជំងឺមកដាក់ក្នុងខ្លូន និង អ្នកជំងឺត្រូវយកចិត្ត គ្រូពេទ្យមកដាក់ខ្លួន ព្រោះរាល់ពេលអ្នកជំងឺ មកជួបគ្រូពេទ្យ ពិតជាចង់បាន ចម្លើយនៃការពិគ្រោះយោបល់រវាងអ្នកជំងឺ និងគ្រូពេទ្យ ។ ប្រសិនបើអ្នកជំងឺទទួលបាន ការពិគ្រោះយោបល់រួចហើយ សូមឲ្យអ្នកជំងឺផ្តល់ទំនុកចិត្ត ចំពោះក្រុមគ្រូពេទ្យយើងវិញ។
លោក បន្តទៀតថា បច្ចុប្បន្នអាជ្ញាធរកំពុងខិតខំជំរុញ ដោយត្រូវរួមសហការជាមួយ មូលនិធិសមធម៌គាំពារសង្គម ហើយអាចជាសមាជិក ប.ស.ស ត្រូវផ្តល់ដល់សមាជិកភូមិ មេភូមិ និងមន្ត្រីជាប់កិច្ចសន្យាទាំងអស់ ក្នុងខេត្ដ ដែលគ្រប់គ្រងដោយគណៈបញ្ជារការឯកភាព ចែកជូនសម្រាប់ប្រើប្រាស់សេវា ប.ស.ស កាន់ល្អប្រសើរឡើងបន្ថែមទៀត។
លោក គួច ចំរើន ក៏បានសំណូមពរដល់មន្ត្រីសុខាភិបាលយើងទាំងអស់ ត្រូវបង្កើនការយកចិតទុកដាក់ បម្រើសេវាសាធារណៈ ឱ្យបានកាន់តែល្អថែមទៀត និងចូលរួមគោរច្បាប់ចរាចរ និងបញ្ហាគ្រឿងញៀន ដោយវាជាសត្រូវធំបំផុតរបស់យើង។ បញ្ហាគ្រឿង ញៀនត្រូវបម្រើសេវា ជូនអ្នកចង់ផ្តាច់គ្រឿងញៀន គឺត្រូវផ្ល់ល់ថ្នាំដោយមិនយកម្រៃឡើយ៕ ដោយ ៖ បញ្ញាស័ក្តិ