កាលពីថ្ងៃទី១៧ ខែកញ្ញា ឆ្នាំ២០២២ គេហទំព័រ NDTV បានរាយការណ៍ថា ពិភពអនឡាញបានក្លាយជាប្រធានបទដ៏ក្តៅគគុក បន្ទាប់ពីវីដេអូឃ្លីបនៅលើ Twitter បានអះអាងថា «ទ័ព» សត្វក្រពើរាប់រយក្បាល បានកំពុងបង្ហាញវត្តមាន លុកលុយនៅតំបន់ឆ្នេរសមុទ្រក្នុងប្រទេសប្រេស៊ីលដែលធ្វើឲ្យប្រជាពលរដ្ឋក្នុងតំបន់ភ័យស្លន់ស្លោយ៉ាងខ្លាំង។
ឃ្លីបនេះបង្ហាញថា សត្វគួរឲ្យខ្លាចទាំងនេះ កំពុងតម្រង់ជួរតាមឆ្នេរសមុទ្រ ដើម្បីសំដិលនឹងពន្លឺព្រះអាទិត្យ និងខ្លះហែលទឹកក្នុងទឹក។ បន្ទាប់ពីវីដេអូឃ្លីបនេះ ត្រូវបានបង្ហោះកាលពីថ្ងៃទី១៥ ខែកញ្ញា មក វាទទួលបានការចាប់អារម្មណ៍យ៉ាងខ្លាំង រហូតដល់មានអ្នកចូលមើលជាង ៩,៩ លានដង និងត្រូវបាន Retweet ច្រើនជាង ២៤០,០០០ ដង។ អ្នកខ្លះបានបង្ហាញអារម្មណ៍តក់ស្លុតពេលឃើញហ្វូងសត្វទាំងនេះ។ រីឯអ្នកខ្លះទៀតបានបន្ទោសការឡើងកំដៅផែនដីដែលជាហេតុមូលនាំឲ្យហ្វូងក្រពើទាំងនោះ មកឈ្លានពាននៅឆ្នេរសមុទ្របែបនេះ។
ទោះជាយ៉ាងណាក៏ដោយ ឃ្លីបនេះត្រូវបានបង្ហោះដំបូងដោយក្រុមហ៊ុនកីឡា និងឧបករណ៍ខាងក្រៅ Pantanal Pesca កាលពីថ្ងៃទី២៥ ខែសីហា ដោយបាននិយាយថា ពួកគេមិនដែលឃើញសត្វបែបនេះប្រមូលផ្តុំគ្នាទេ។ ប៉ុន្តែ មិនបានលើកឡើងពីការទន្ទ្រានយកឆ្នេរតាមវិធីណាមួយនោះទេ។
ចំណែកគេហទំព័រ sciencetimes ក៏បានរាយការណ៍ថា អ្វីដែលអ្នកឃើញនៅក្នុងឃ្លីបនោះ វាពិតជាមិនមែនជាការឈ្លានពាននោះទេ ហើយអ្នកភូមិក៏មិនភ័យស្លន់ស្លោអ្វីដែរ។ ប៉ុន្តែ “ឆ្នេរ” ដែលគេឃើញនៅទីនេះ គឺពិតជាផ្នែកមួយរបស់ Pantanal – ដែលជាតំបន់ដីសើមត្រូពិចដ៏ធំបំផុតក្នុងពិភពលោក។ ហើយសត្វដែលឃើញនៅទីនេះ ពួកវាមិនមែនជាក្រពើនោះទេ ប៉ុន្តែជាសត្វ Yacare Caiman ដែលមានរូបរាងដូចគ្នានឹងសត្វក្រពើដែរ។
នេះបើតាមមូលនិធិសត្វព្រៃពិភពលោក (WWF) បានឲ្យដឹងថា Pantanal គឺជាតំបន់សើមត្រូពិចដ៏ធំមួយ ល្អបំផុតនៅលើពិភពលោកដែលគ្របដណ្តប់ បូលីវី ប្រេស៊ីល និងប៉ារ៉ាហ្គាយ ។ វាជាតំបន់ដែលមានសត្វល្មូនទាំងនេះច្រើនជាងគេនៅក្នុងហ្គោល (Gauls)។ តាមការប៉ាន់ស្មានថា មានប្រហែល ១០ លាន សត្វកៃម៉ាន៕ រក្សាសិទ្ធិដោយ៖ លឹម ហុង
In Brazil, an invasion of crocodiles that have flooded one of the beaches with several hundred, even thousands, and the local population is panicking pic.twitter.com/3xnkqHdoyl
— Ken Rutkowski (@kenradio) September 15, 2022