អ្នកលេងអ៊ីនធើរណេត ពិតជាមានការភ្ញាក់ផ្អើលយ៉ាងខ្លាំង នៅពេលរកឃើញថា ស្ត្រីបរទេសវ័យក្មេងម្នាក់បានផុសវីដេអូមួយ បង្ហាញខ្លួនឯងនាងនៅលើ Google Maps ក្នុងអំឡុងពេលដែលបង្ហាញសុដន់របស់ខ្លួន ស្ថិតក្នុងចំណោមរូបភាពជាច្រើន នៃផ្លូវជនបទមិនស្គាល់មួយ នៅក្នុងស្រុក Pingtung ភាគខាងត្បូងតៃវ៉ាន់ ។
វីដេអូឃ្លីបបានបង្ហាញស្ត្រីរូបនេះ បានសម្លឹងទៅកាន់ស្មារបស់នាង រួចចាប់ផ្តើមទាញកអាវខាងក្នុងចុះ ដើម្បីបញ្ចេញឲ្យសុដន់ផ្នែកខាងស្តាំរបស់នាងឡើងជ្រងោៗ ខណៈបញ្ចេញស្នាមញញឹមយ៉ាងរីករាយនៅមុខកាមេរ៉ា ។
នាងត្រូវបានគេសង្កត់ថា បានបង្ហោះវីដេអូនោះ ខណៈធ្វើដំណើរតាមផ្លូវជនបទស្ងាត់មួយ ស្ថិតនៅក្នុងស្រុក Pingtung, តៃវ៉ាន់ ហើយភ្លាមៗនោះ វីដេអូនេះ បានបង្ហាញពីរូបភាពសាមញ្ញៗពីទិដ្ឋភាពដីស្រែ និងឧបករណ៍កសិកម្ម ។
ទន្ទឹមនោះផងដែរ ម្នាក់ក្នុងចំណោមអ្នកស្រុករស់នៅក្នុងតំបន់នោះ បាននិយាយថា៖ «ខ្ញុំពុំដែលគិតអំពីការទៅកាន់ទីនោះទេ ប៉ុន្តែ ឥឡូវនេះ ដូចជាចង់ទៅកាន់ទីនោះណាស់ ។ ព្រោះតំបន់នោះ វាហាក់ដូចជាកំពុងរស់រវើកតែម្តង» ។
ទោះយ៉ាងណា ស្ថិតក្រោមលក្ខខណ្ឌប្រើប្រាស់របស់ Google សម្រាប់ Google Maps នោះក្រុមហ៊ុននេះបានបញ្ជាក់ថា ខ្លួនពុំអនុញ្ញាតឲ្យមានរូបភាពអាសអាភាស ឬ រឿងសិច នៅលើវេទិការនេះទេ ។ ប្រសិនអ្នកប្រើប្រាស់រកឃើញរឿងដែលជំទាស់ នោះពួកគេអាចស្នើ Google លុបវាចោលបាន ។
ក្រុមការងារ Google បានប្រាប់ Apple Daily ថា ករណីនេះ ខ្លួននៅតែកំពុងស៊ើបអង្កេតថាតើវីដេអូរងការចោទប្រកាន់នេះ ត្រូវបានបង្ហោះឡើងដោយជោគជ័យជ័យ ឬ យ៉ាងណា ហើយពួកគេកំពុងធ្វើការពង្រឹងយន្តការរុករកដោយស្វ័យប្រវត្តិរបស់ប្រព័ន្ធផងដែរ ។ ក្នុងពេលនេះ ក្រុមការងារ Google នៅតែត្រូវការជំនួយពីសាធារណជន ដើម្បីរាយការណ៍បណ្តាវីដេអូប្រភេទនេះ ដើម្បីកំណត់ខ្លឹមសារឲ្យបានច្បាស់ ។
គួរបញ្ជាក់ផងដែរថា Google Map គឺជាជាផែនទីរបស់សកលលោកទាំងមូល ដែលយើងទាំងអស់គ្នា អាចប្រើប្រាស់ទៅបាន តាមរយៈ Internet ដោយយើងអាចស្វែងរក ឬមើលផែនទីរបស់តំបន់, ប្រទេសរឺទ្វីបណា ពុំពិបាកមានអ្នកជូនទៀតឡើយ ៕ ឧត្តម
