Friday, September 30, 2022

សូម​មានការ​ប្រុងប្រយ័ត្ន! នៅ​វៀតណាម​រសៀល​ថ្ងៃនេះ ភ្លៀង​ដូច​ចាក់ទឹ​ក លាយឡំ​ខ្យល់​បោកបក់​ខ្លាំ​ង បា.ក់.រលំ.ដើម​ឈើ​សង្ក.ត់​រថយន្ត រី​ឯ​ផ្លូវ​ដូច​បឹង​ទន្លេ…

spot_img

តាមការព្យាករណ៍​របស់មជ្ឈមណ្ឌលជលសាស្ត្រ​នោះខេត្តភាគខាងជើង នៃប្រទេសវៀតណាម​នឹងមានភ្លៀងធ្លាក់បន្តបន្ទាប់​រយៈពេល​៤​ថ្ងៃ។

ដោយឡែក នៅវេលាម៉ោង ៣ រសៀល ថ្ងៃទី២០ ខែកញ្ញា នេះ នៅទីក្រុងហាណូយ ភ្លៀងបានធ្លាក់យ៉ាងខ្លាំង និងផ្គររន្ទះជាទ្រង់ទ្រាយធំតែម្តង។ ហើយថ្វីត្បិតតែភ្លៀងធ្លាក់ត្រឹមតែ ៣០ នាទីក៏ដោយ ប៉ុន្តែបរិមាណទឹកដ៏ច្រើន បានធ្វើឱ្យផ្លូវជាច្រើនក្នុងទីក្រុងនេះ ត្រូវបានជន់លិចយ៉ាងធ្ងន់ធ្ងរ។

ភ្លៀងធ្លាក់ដ៏គំហុក អមដោយខ្យល់បក់ខ្លាំង​បានបំផ្លាញដើមឈើ​ជាច្រើន​នៅ​តាមផ្លូវ ។ រូបភាព និងឃ្លីបភ្លៀងធ្លាក់ខ្លាំង ត្រូវបានចែករំលែកជាបន្តបន្ទាប់ នៅលើបណ្តាញសង្គមជាច្រើន។ ក្នុងនោះ តំបន់មួយចំនួន មានករណីដើមឈើ​រលើងប្ញស រលំកិនលើម៉ូតូអ្នកធ្វើដំណើរ និងរថយន្តដែលចតនៅ​ចិញ្ចើមផ្លូវ។

ជាក់ស្តែង ដើមឈើមួយដើមនៅផ្លូវ Hoang Dao Thuy ស្រុក Cau Giay ទីក្រុងហាណូយ ត្រូវបានរលំ សង្កត់លើរថយន្តពណ៌ខ្មៅមួយគ្រឿងដែលចតនៅចិញ្ចើមផ្លូវ។ នៅ​កន្លែងកើតហេតុ ដើមឈើ​បានបិទផ្លូវ បង្កការលំបាក​ដល់យានយន្តធ្វើដំណើរ ។ អ្នកប្រើ​ប្រាស់ផ្លូវជា​ច្រើន​ត្រូវបត់ក្រោយ​ ដើម្បីស្វែងរកផ្លូវផ្សេងធ្វើដំណើរ។

យោងតាមការជូនដំណឹងរបស់មជ្ឈមណ្ឌលជលសាស្ត្រជាតិ បានឲ្យដឹងថា ប្រមាណ ៣ ម៉ោង នៅទីក្រុងហាណូយ និងតំបន់ជុំវិញ ភ្លៀងបានធ្លាក់ជាបន្តបន្ទាប់ ជាមួយនឹងបរិមាណទឹកភ្លៀងសរុបក្នុងរង្វង់ពីកម្រិត ៣០-៥០ មីលីម៉ែត្រ ដោយកន្លែងខ្លះមានកម្រិត ៨០ មីលីម៉ែត្រ។ ជំនន់ទឹកភ្លៀង បានជន់លិចផ្លូវជា​ច្រើន​ដែលមានជម្រៅ​រួមពី ​២០-៣០ សង់ទីម៉ែត្រ ផ្លូវខ្លះអាចលិចទឹកជម្រៅ​ ៣០-៥០​ សង់ទីម៉ែត្រ៕ រក្សាសិទ្ធិដោយ៖ លឹម ហុង