ថ្មីៗនេះ តារាសម្តែងស្រីជនជាតិម៉ាឡេស៊ី នាង Anna Jobling បានថតរូបជាមួយម្តាយរបស់នាងយ៉ាងរីករាយ និងចែករំលែករូបថតទាំងនោះនៅលើបណ្តាញសង្គម។ ប៉ុន្តែ អ្វីដែលមិននឹកស្មានដល់នោះ គឺវាបែរជាត្រូវបានវាយប្រហារពីសំណាក់មនុស្សមួយចំនួន ដែលបានគិតឃើញនូវគំនិតអវិជ្ជមានបែបនេះទៅវិញ។
ជាក់ស្តែង មនុស្សមួយចំនួន បានខមិនអំពីម្តាយរបស់ Anna ថា ម្តាយរបស់នាងមើលទៅដូចជាអ្នកបម្រើរបស់នាងអ៊ីចឹង។ ក្នុងនោះ អ្នកខ្លះបាននិយាយថា៖ «ខ្ញុំគិតថា គាត់គឺជាអ្នកបម្រើរបស់នាង ហើយពិតជាល្អណាស់ ដែលនាងគោរពអ្នកបម្រើរបស់នាងបែបនេះ»។
ក្នុងបទសម្ភាសន៍ជាមួយ Xtra, Anna បាននិយាយថា៖ «តើអ្នកមានអារម្មណ៍យ៉ាងណា ប្រសិនបើមាននរណាម្នាក់ មិនគោរពម្តាយ ឬឪពុករបស់អ្នក?»។
នៅពេលត្រូវបានគេសួរថា តើម៉ាក់ដឹងពីអ្នកដែលបានខមិនទេ? Anna បាននិយាយថា សំណាងល្អ ដែលម្តាយរបស់នាងជាមនុស្សរឹងមាំ គាត់មិនខ្វល់ពីសម្តីរបស់ពួកគេ គាត់យកចិត្តទុកដាក់តែនាងប៉ុណ្ណោះ។
តែទោះជាយ៉ាងណា Anna ក៏បានថ្លែងអំណរគុណ ទៅដល់អ្នកគាំទ្រ ដែលតែងគាំទ្រនាងរហូតមកទល់ពេលនេះ៕ រក្សាសិទ្ធិដោយ៖ លឹម ហុង
