ថ្មីៗនេះ វីដេអូមួយ ដែលបង្ហាញក្មេងទំនើបជាចោរ១ក្រុម ជិះម៉ូតូធ្វើសកម្មភាពឆក់ខោអាវផ្ទះបោកអ៊ុតមួយកន្លែង ដែលដាក់ព្យូរហាលជាប់ចិញ្ចើមផ្លូវ បានធ្វើឲ្យមហាជនជាអ្នកប្រើប្រាស់បណ្តាញសង្គម ឃើញហើយពិតជាគួរឲ្យហួសចិត្តខ្លាំងបំផុត។
តែទោះជាយ៉ាងណា ក្រោយករណីនេះបានកើតឡើង ផ្ទះម្ចាស់រងគ្រោះ បានបង្ហោះសារតាមបណ្តាញសង្គម សូមឲ្យអាជ្ញាធរមូលដ្ឋាន ជួយអន្តរាគមន៍ និងការពារសន្តិសុខផង ដោយបានប្រាប់ឲ្យដឹងថា៖ ផ្ទះរបស់គាត់ស្ថិតនៅទល់មុខបុរី៩៩៩ បឹងទំពុន សង្កាត់បឹងទំពុនទី២ ខណ្ឌមានជ័យ ភ្នំពេញ ដោយគ្រួសាររបស់គាត់ប្រកបអាជីពបោកអ៊ុត។
ប៉ុន្តែ នៅវេលាម៉ោង ៣ និង ៥៨ នាទី រសៀល ស្រាប់តែមានក្មេងទំនើងមួយក្រុម ជិះម៉ូតូ៣គ្រឿង មានគ្នាចំនួន ១១ នាក់ បានជិះមកដល់ចំណុចមុខផ្ទះរបស់គាត់ ក៏បានធ្វើសកម្មភាពឆក់ខោអាវ ដែលគាត់ដាក់ហាល ដ៏មិននឹកស្មានដល់។
ដោយមានការព្រួយបារម្ភយ៉ាងខ្លាំង ចំពោះសុវត្ថិភាព ការរស់នៅ និងក៏ដូចរកស៊ី ម្ចាស់ផ្ទះរងគ្រោះ ក៏សូមស្នើដល់អភិបាលខណ្ឌ និងលោកមេប៉ុស្តិ៍បឹងទំពន់ ជួយអន្តរាគមន៍ និងត្រួតពិនិត្យម្តុំនេះផង៕ រក្សាសិទ្ធិដោយ៖ លឹម ហុង
