ភ្លៀងធ្លាក់ជាប្រវត្តិសាស្ត្រ បានធ្វើឱ្យផ្លូវជាច្រើនក្នុងទីក្រុង Da Nang ប្រែក្លាយទៅជាទន្លេ រហូតឃើញត្រីធំៗហែលក្នុងទឹកដល់រានហាល ហើយមនុស្សជាច្រើន ក៏បាននាំគ្នាទៅកាន់ដងផ្លូវ ដើម្បីចាប់ត្រី។
ដូចដែលបានកត់សម្គាល់ គឺក្នុងរយៈពេលប៉ុន្មានថ្ងៃថ្មីៗនេះ ភ្លៀងធ្លាក់ខ្លាំងបានធ្វើឱ្យកម្រិតទឹកនៅបឹង ថាក់ជីន (ស្រុកថាញ់ខេ ដាណាង) កើនឡើង ដែលនាំឱ្យត្រីជាច្រើនចេញមកតាមផ្លូវ។
ដោយបានប្រទះឃើញត្រីហែលនៅលើរានហាល មនុស្សជាច្រើនដែលរស់នៅតាមដងផ្លូវ ហាម ងី ទៅកាន់ ថូ ងក់វ៉ាន បាននាំយកកន្ត្រក ស្បោង និងរ៉ាកែត ទៅកាន់ដងផ្លូវ ដើម្បីចាប់ត្រី។
ត្រីមិនត្រឹមតែហែលច្រើននៅលើផ្លូវប៉ុណ្ណោះទេ តែនៅមានត្រីជាច្រើនទៀត ក៏ជាប់នៅក្នុងប្រហោងដើមឈើ និងគុម្ពោតព្រៃផងដែរ។ អ្នកភូមិជាច្រើនចាប់បានត្រីធំៗណាស់ ហើយត្រីដែលលេចលើដងផ្លូវនៅទីនោះ គឺភាគច្រើនជាត្រីធ្វើប្រហុក ត្រីឆ្លាំង និងត្រីទីឡាបយ៉ា ជាដើម៕ រក្សាសិទ្ធិដោយ៖ លឹម ហុង
