ជនបរទេសម្នាក់ដែលជិះស្គីឡើងឆ្វេចឆ្វាច ឆ្លងកាត់ចរាចរណ៍ក្នុងទីក្រុងបាងកក ដែលសូម្បីគ្មានអ្វីការពារ ត្រូវបានប៉ូលិសផាកពិន័យ ១០០០ បាត (ប្រហែល ២៦ ដុល្លារ) ពីបទរារាំងចរាចរណ៍ កាលពីថ្ងៃទី១៦ ខែតុលា ឆ្នាំ២០២២។
ប៉ូលីស Lumphini បាននិយាយថា អ្នកជិះស្គីរូបនោះ ដែលជាជនជាតិកាណាដា ឈ្មោះ Jordan Joseph McIver បានសារភាពថា នោះគឺជារូបគាត់ដែលកំពុងរត់កាត់តាមដងផ្លូវ ខណៈគាត់បានបង្ហាញកាយវិការដាក់ទៅនឹងវីដេអូ CCTV។
McIver បានពន្យល់ថា នៅខណៈពេលនោះ គាត់កំពុងធ្វើលំហាត់ប្រាណ និងទស្សនាទីក្រុង ប៉ុន្តែមិនដឹងថា ការបង្ហាញខ្លួនបែបនេះ គឺជាទង្វើរផ្ទុយនឹងច្បាប់នោះទេ។
McIver ត្រូវបានគេឃើញជិះស្គីនៅទីតាំងផ្សេងៗគ្នាក្នុងរដ្ឋធានី រួមទាំងឆ្លងកាត់ Phra Khanong នៅពេលយប់ជ្រៅ បន្ទាប់ពីភ្លៀងធ្លាក់ខ្លាំងកាលពីដើមខែនេះ។ គាត់ក៏ត្រូវបានគេមើលឃើញថា បានជិះស្គីលឿនជាងយានយន្តដែលនៅជុំវិញគាត់ទៀតផង។
វីដេអូនៃការជិះស្គីឆ្វេចឆ្វាចរបស់គាត់ នៅទីក្រុងបាងកក បានរីករាលដាលនៅលើប្រព័ន្ធផ្សព្វផ្សាយសង្គម កាលពីថ្ងៃសៅរ៍ ដោយបានទាក់ទាញការរិះគន់ និងការព្រួយបារម្ភពីអ្នកដែលនិយាយថា វាមិនមានសុវត្ថិភាព ដោយសារតែគុណភាពនៃផ្លូវមួយចំនួន និងកង្វះឧបករណ៍ការពាររបស់គាត់៕ រក្សាសិទ្ធិដោយ៖ លឹម ហុង
@nopparat_168 ของดีออกฤทธิ์เจอตั้งเเต่ นานา-อ่อนนุช ทีหลังไม่ขายให้เเล้วนะ🐎 #ตัวตึงนานา ♬ Bandoleros – Don Omar