វីដេអូដ៏គួរឲ្យរន្ធត់មួយបានបង្ហាញឲ្យឃើញកូនក្មេងម្នាក់ បានដើរឆ្លងផ្លូវខណៈរថយន្តធំៗ ម៉ូតូបើកបរឆ្លងកាត់យ៉ាងលឿនៗ ។ ប៉ុន្តែ វាពិតជាសំណាងហើយ ដែលក្មេងនេះពុំជួបគ្រោះថ្នាក់ដល់អាយុជីវិត ខណៈរថយន្តធុនធំ២គ្រឿងបានចាប់ហ្វ្រាំងទាន់ពេលវេលា ។
ក្នុងវីដេអូថតដោយរថយន្តធំ១គ្រឿង ដែលបានឃើញកូនក្មេងនេះដំបូង បានបង្ហាញឲ្យឃើញរថយន្តធំ១គ្រឿងទៀតបើកបញ្ច្រាសទិសគ្នា បានចូលមកយ៉ាងលឿន ប៉ុន្តែ ដោយសារតៃកុងភ្នែកវៃ បានចាប់ហ្វ្រាំងទាន់ឈប់ភ្លាមៗ ។ ខណៈពេលដ៏រន្ធត់នេះផងដែរ គេក៏បានឃើញបុរសម្នាក់ បានឈប់ម៉ូតូ និងប្រញាប់ប្រញាល់ទៅសង្គ្រោះក្មេងតូចនេះចេញពីថ្នល់ ស្របពេលដែលស្ត្រីជាម្តាយបានរត់មកយ៉ាងស្លន់ស្លោ ។
នេះជាមេរៀនមួយ ដែលឪពុកម្តាយទាំងអស់ គួរឲ្យប្រុងប្រយ័ត្នចំពោះសុវត្ថិភាពកូនតូចៗរបស់ខ្លួន ដែលមានផ្ទះសំបែងស្ថិតនៅជាប់ផ្លូវថ្នល់ជាតិ មានរថយន្តម៉ូតូបើកបរឆ្លងកាត់លឿនៗ ៕ ចន្ទី
