ជឿថា វាជារឿងដែលមនុស្សជាច្រើនមិនតិចទេ ដែលរំភើបចិត្ត នៅពេលទៅចូលរួមពិធីជប់លៀងមិត្តភក្តិ ឬបងប្អូនសាច់ញាតិ ជាពិសេសស្ត្រីៗ ពិតណាស់បានរៀបចំរួចស្រេច សម្រាប់ការជ្រើសរើសសម្លៀកបំពាក់ឱ្យសមនឹងខ្លួន។
តែអ្វីដែលភ្ញាក់ផ្អើល និងស្ទើរតែមិនគួរឲ្យជឿនោះ គឺថា នារីម្នាក់បែរជាធ្វើរឿងនេះខុសគេ ដោយច្នៃដេរឈុតរ៉ូបដែលនាងពេញចិត្តដោយដៃ យ៉ាងស្រស់ស្អាតខ្លាំងតែម្តង។ តាមរយៈវីដេអូឃ្លីបបង្ហោះនៅលើ TikTok កាលពីពេលថ្មីៗនេះ អ្នកអាចមើលឃើញថា ស្រីស្អាតរូបនេះបានសម្រេចចិត្តធ្វើរ៉ូបល្ងាចដោយខ្លួនឯង ដោយចាប់ផ្ដើមពីការជ្រើសរើសក្រណាត់ កាត់ក្រណាត់ ដេរដោយដៃ តុបតែង… ពោលគឺការងារទាំងនេះ គឺត្រូវបានច្នៃឡើងដោយខ្លួននាងផ្ទាល់ទាំងអស់។
ជាមួយការទទួលបានម៉ូដរ៉ូបដ៏ស្រស់ស្អាតដូចព្រះនាង នៅក្នុងឃ្លីប ស្រីស្អាតបានសរសេរ Caption ថា “ខ្ញុំច្នៃរ៉ូបនេះដោយខ្លួនឯង ជួបគ្នានៅក្នុងកម្មវិធីល្ងាចនេះ ណាស្រីៗយើងណា៎!»។
បន្ទាប់ពីវីដេអូឃ្លីបនេះ ត្រូវបានចែកចាយ ឃើញថាទទួលបានការចាប់អារម្មណ៍ រហូតមានអ្នកចូលមើលរហូតដល់ទៅ ៤.១ លានដង ដែលធ្វើឱ្យអ្នកនិយមលេងអ៊ីនធឺណេតពេញចិត្ត និងសរសើរចំពោះជំនាញកាត់រ៉ូបរបស់នាងជាខ្លាំង។ ហើយក្នុងនោះ អ្នកខ្លះក៏ចង់ដឹងថានាងជានរណា តើនាងធ្វើការជាអ្នករចនាម៉ូដមែនទេ? ព្រោះរ៉ូបដែលនាងបានច្នៃចេញនេះ គឺពិតជាស្រស់ស្អាតណាស់!។
ក្រោយមក ម្ចាស់ឃ្លីបក៏បានឆ្លើយតប ភ្ជាប់ជាមួយរូបភាពថា៖ «នាងមិនមែនជាអ្នកច្នៃម៉ូដទាល់តែសោះ ប៉ុន្តែតាមពិតទៅ នាងគឺជាសិប្បករយោធា។ ហើយសម្រាប់រ៉ូបដែលនាងកាត់រហូតបានល្បីខ្លាំងនេះ គឺវាជារ៉ូបដែលត្រូវស្លៀកទៅចូលរួមកម្មពិធីជប់លៀងរបស់មិត្តភក្តិមិត្តប្រុសរបស់នាងប៉ុណ្ណោះ៕ រក្សាសិទ្ធិដោយ៖ លឹម ហុង
@skytdr_ ตอบกลับ @🐷Baby…Mind🐷 ♬ On Top of the World – Barbie
