កណ្តាល ៖ ករណីជួញដូរខុសច្បាប់នូវសារធាតុញៀន នគរបាលស្រុកកៀនស្វាយ បានឃាត់ខ្លួនជនសង្ស័យម្នាក់ រួមជាមួយវត្ថុតាងគ្រឿងញៀន ប្រភេទម៉ាទឹកកក ចំនួន២៣កញ្ចប់ នៅថ្ងៃទី១២ ខែមិថុនា ឆ្នាំ២០១៨ ម៉ោង១០:៥នាទី ចំណុចក្នុងផ្ទះជួល ឈ្មោះ ប៉ា ចន្ធា ភេទស្រី ស្ថិតក្នងភូមិ ឬស្សីស្រុក ឃុំ ឈើទាល ស្រុកកៀនស្វាយ ។
ជនសង្ស័យមានឈ្មោះ សៅ រី ភេទប្រុស អាយុ ៣៦ ឆ្នាំជនជាតិខ្មែរ មុខរបរបើកបររថយន្ត មានទីលំនៅ ភូមិ ក្រាំងអំពិល ឃុំស្គុះ ស្រុកសំរោងទង ខេត្តកំពង់ស្ពឺ បច្ចុប្បន្ន ស្នាក់នៅផ្ទះជួល ភូមិឬស្សីស្រុក ឃុំឈើទាល ស្រុកកៀនស្វាយ ខេត្តកណ្តាល។ វត្ថុតាងចាប់យកបានរួមមាន ម្ស៉ៅក្រាមពណ៌សថ្លា សង្ស័យជាសារធាតុញៀនម៉ាទឹកកក២៣ កញ្ចាប់ (តូច២២កញ្ចប់ មធ្យម១ កញ្ចប់) ទូរស័ព្ទដៃចំនួន ២ គ្រឿង ដាវកែច្នៃ ១ដើម កន្ត្រៃ ១ ដែកកេះចំនួន ១ សម្ភារៈប្រើប្រាស់ និង វេចខ្ចប់មួយចំនួន ។
នៅថ្ងៃខែឆ្នាំវេលាម៉ោងកើតហេតុខាងលើ កម្លាំងប៉ុស្តិ៍នគរបាលឈើទាល បានធ្វើការល្បាត ក្នុងភូមិសាស្ត្ររបស់ខ្លួន លុះមកដល់ចំណុចកើតហេតុខាងលើ បានឃើញក្មេងប្រុសពីរនាក់ បានជិះម៉ូតូចូលក្នុងបន្ទប់ជួល របស់ឈ្មោះ សៅ រី រួចជិះចេញមកវិញ ដោយមានការសង្ស័យ កម្លាំងរបស់សមត្ថកិច្ច ក៏ជិះចូលបន្ទប់ផ្ទះរបស់ឈ្មោះ សៅ រី នោះដែរ រួចបានធ្វើការឆែកឆេរ ប្រទះឃើញម្សៅក្រាមពណ៌ស សង្ស័យជាសារធាតុញៀន ចំនួន២៣កញ្ចប់(តូច២២ មធ្យម១កញ្ចប់) រួចហើយកម្លាំងសម្ថកិច្ចប៉ុសិ៍្ត បានឃាត់ខ្លួនឈ្មោះ សៅ រី យកមកប៉ុស្តិ៍ ដើម្បីសាកសួរបន្ត។ ក្រោយយពីសួរនាំរួចហើយ បានបញ្ជូនជនសង្ស័យ រួមទាំងវត្ថុតាង យកមកអធិការដ្ឋាននគរបាល ស្រុកកៀនស្វាយ ដើម្បីចាត់ការតាមនីតិវិធី ៕ ដោយ ៖ បញ្ញាស័ក្តិ
