តាកែវ : លោក កែវ ផាន មេគយច្រកទ្វាព្រំដែនអន្តរជាតិភ្នំដិន ស្រុកគីរីវង ខេត្ត តា កែវ ព្រោះតែចង់បាននូវប្រយោជន៍ ស្រង់ដើមមកវិញ បានឃុបឃិតគ្នាតាមខ្សែរបណ្តោយ និងអាងអំណាច បានប្រើឈ្មោះ មន្ត្រីគយធំៗ នៅអគ្គនាយកគយកម្ពុជា មកធ្វើជាខ្នង បិទបាំងរឿងអាស្រូវ ដែលខ្លួនបានប្រព្រឹត្ត។
តាមប្រភពព័ត៌មានពីមន្ត្រីគយប្រចាំច្រកទ្វារអន្តរជាតិភ្នំដិន បានលួចខ្សឹបថាលោកកែវ ផាន មេគយច្រកទ្វារអន្តរជាតិមួយនេះសព្វថ្ងៃ បានកំពុងតែធ្វើសកម្មភាព ដោដោយបើកដៃឲ្យក្រុមឈ្មួញទាំងតូចទាំងធំ នាំទំនិញបង់ពន្ធមិនគ្រប់និងទំនិញខ្លះគេចដោយមិនបង់ពន្ធច្រើនប្រភេទទៀតចូលពីប្រទេសវៀតណាម ឆ្លងកាត់ច្រកទ្វារព្រំដែន យ៉ាងរលូន យ៉ាងគគ្រឹកគគ្រេងដោយគ្មានកការត្រួតពិនិត្យនិងឆែករកលិខិតអនុញ្ញាតឲ្យនាំទំនិញនាំចូលទាំងនោះអ្វីឡើយ គឺគេឃើញតែឈ្មួញទាំងនោះបបង់លុយក្រោមតុឲ្យទៅមន្ត្រីគយ និងភ្នាក់ងារគយក្រោមការបង្គាប់បញ្ជាកំណត់ពី មេការិយាល័យគយច្រកទ្វារ ជាការស្រេចតែតែម្តង គឺអាចទៅបានហើយ។
ប្រភពពីមន្ត្រីដដែលបន្តថា មេការិយាល័យគយច្រកទ្វារព្រំដែនអន្តរជាតិភ្នំដិន ឈ្មោះបុគ្គល កែវ ផាន កំពុងខំប្រឹងប្រមូលលុយស្រង់ដើម មកវិញបន្ទាប់ពីបុគ្គលរូបនេះបានទទួលតំណែងជាមេគយច្រកទ្វារព្រំដែនអន្តរជាតិភ្នំដិននេះ ចំណាយដើមទន់ច្រើនណាស់។ ហេតុនេះហើយទើបបុគ្គលឈ្មោះកែវ ផានហ៊ានធ្វើអ្វីៗ តាមអំពើចិត្ត ដោយមានការឃុបឃិតជាមួយឈ្មួញធំៗ ដែលនាំទំនិញពីប្រទេសយួន តាមច្រកនេះ ចូលទៅរាជធានីភ្នំពេញ ទាំងយប់ទាំងថ្ងៃ ដូចគេហែរអង្គរកឋិនទាន យ៉ាងពេញបន្ទុក ប្រមូលលុយដាក់ហោប៉ៅ ចែកគ្នា គិតតែផលប្រយោជន៍ ផ្ទាល់ខ្លួនបប៉ុណ្ណោះ។ដោយមិនខ្វល់អ្វីពីការបាត់បង់ប្រាក់ចំណូលរបស់ជាតិក្នុង១ឆ្នាំៗរាប់សិបលានដុល្លារ។ ជាមួយគ្នាដែរប្រភពព័ត៌មានពីមន្ត្រីគយប្រចាំច្រកទ្វារអន្តរជាតិភ្នំដិន បានលួចបង្ហើបឲ្យដឹងថា ប្រាក់ចំណូលដែលរកបានស្ទើរមិនបានពី៤៥ភាគរយ ទៅ៥០ភាគរយទេ ថែមទាំងបើកដៃឲ្យឈ្មួញទាំងនោះនាំចូលទំនិញគេចពន្ធ ទំនិញបង់ពន្ធស្ទើរមិនគ្រប់ និងទំនិញខុសច្បាប់ហូរចូលពីប្រទេសយួន តាមច្រកទ្វារព្រំដែនអន្តរជាតិភ្នំដិន មួយនេះកាន់តែច្រើនឡើងៗក្នុង១ថ្ងៃៗមិនក្រោម១០ទៅ៣០ឡានឡើយ។
ប្រភពដដែលបានបន្តឲ្យដឹងទៀតថា បុគ្គលមេការិយាល័យគយច្រកទ្វារព្រំដែនអន្តរជាតិភ្នំដិនមួយនេះបានឲ្យមន្ត្រីគយ និងភ្នាក់ងារគយក្រោមឱវាទរបស់ខ្លួន គាបសង្កត់ជម្រិតកោសរូសទារលុយថ្លៃបាយ ថ្លៃទឹក បង្កើនការយកលុយលើតុក្រោមតុ ពីក្រុមឈ្មួញនិងអាជីវករ កាន់តែច្រើនឡើងៗ ជាពិសេសនោះប្រជាពលរដ្ឋ រកស៊ីដឹកទំនិញតាមរយះៈម៉ូតូរ៉ឺម៉ក ចេញចូលឆ្លងកាត់ច្រកនេះ បង្គាបបញ្ជាឲ្យបង់ប្រាក់តាមការកំណត់ បង់ប្រាក់ទាំងនោះ គឺបង់ដោយគ្មានវិក្កយបត្រអ្វីច្បាស់លាស់នោះទេ។ ហើយប្រាក់ដែលគៀបសង្កត់បានពីក្រុមឈ្មួញរកស៊ីតូចតាច និងអាជីវករនោះជាប្រាក់ក្រៅប្រពន្ធ ពុករលួយ ទុកចែកគ្នាដាក់ហោប៉ៅផ្ទាល់ខ្លួនតែម្តង។
ដោយមើលឃើញរាល់ទង្វើនៃលោក កែវ ផាន បានធ្វើឲ្យមន្ត្រីពាក់ព័ន្ធជាច្រើននៅច្រកទ្វារព្រំដែនអន្តរជាតិភ្នំដិន មិនពេញចិត្តនៅការដឹកនាំ ជាបក្ខពួក ដាក់បងប្អូនខ្លួនឲ្យចាំប្រមុលប្រាក់ ទុកចែកគ្នាប្រព្រឹត្តអំពើពុករលួយ កិបកេងប្រវ័ញ្ចបន្លំពន្ធគយជាមួយឈ្មួញទាំងតូចទាំងធំ ដែលរកស៊ីនាំទំនិញចេញចូលតាមច្រកមួយនេះ ដោយសេរីមិនមានការទប់ស្កាត់សោះឡើយ។ ហើយការប្រឹត្តនិងទង្វើរដែលលោកមេគយប្រចាំច្រកទ្វារអន្តរជាតិភ្នំដិន កំពុងប្រព្រឹត្តសព្វថ្ងៃនេះ បានកំពុងធ្វើឲ្យរដ្ឋខាត់បង់ ប្រាក់ចំណូលយ៉ាងធ្ងន់ធ្ងរដែលបុគ្គលឈ្មោះកែវ ផាន កំពុងប្រព្រឹត្តតាមរបៀបពុករលួយ បែបនេះតទៅទៀតទេ បើប្រសិនមិនធ្វើការទប់ស្កាត់ និងម្យ៉ាងមួយវិញទៀតអាចជួយរកពន្ធប្រាក់ចំណូលពន្ធគយចូលរដ្ឋមួយកម្រិតផងដែរ៕ រក្សាសិទ្ធិដោយ:សុវណ្ណារិទ្ធ
