ថ្មីៗនេះលើបណ្តាញសង្គមវៀតណាម មានរឿងរ៉ាវមួយត្រូវបានគណនីមួយឈ្មោះ LG បង្ហោះនៅវេលាម៉ោង ២០និង៣០នាទីយប់ ថ្ងៃទី ១២ ខែមិថុនា នៅខេត្តថាញ់វ៉ា ។
តាមរយៈរូបភាពដែលបង្ហោះបង្ហាញឲ្យឃើញនារីម្នាក់ត្រូវសម្រាតខោអាវដេកលើថ្នល់ដែលសល់តែអាវផ្នែកខាងលើប៉ុណ្ណោះ ។ ខណៈពេលនោះមានមនុស្សជាច្រើនឈរមើលហេតុការណ៍នេះ ។
រូបភាពនៃការធ្វើទារុណកម្មព្រោះប្រច័ណ្ឌ ស្ត្រីម្នាក់ដែលប្រហែលជាសត្រូវស្នេហ៍នឹងនារីរងគ្រោះដែលបានដណ្តើមប្តីខ្លួន កំពុងកាន់ដបទឹកត្រីប្រភេទ ២លីត្រ ស្រោចពីលើនារីរងគ្រោះដែលដេកលើថ្នល់ ប្រៀបដូចបម្រុងប្រឡាក់នាងទាំងរស់ ។
តាមសាក្សីនៅកន្លែងកើតហេតុ មុននោះស្ត្រីរូបនេះបានយកអំបិលម្ទេសធ្វើការវាយប្រហារ លើមុខមាត់ខ្លួនប្រាណរបស់នារីរងគ្រោះគ្រោះ ។
ស្ត្រីរូបនេះ នៅបានចាក់ទឹកត្រីប៉ងប្រឡាក់ជនរងគ្រោះ ។
ស្ត្រីរងគ្រោះដេកក្តោបមុខលើថ្នល់ ពុំមានអ្នកជួយអន្តរាគមន៍សោះឡើយ ។
ទាក់ទិនដល់ករណីខាងលើ អធិការប៉ូលិសក្រុងថាញ់វ៉ា ឲ្យដឹងថា គេបានបញ្ជាឲ្យប៉ូលិសសង្កាត់ធ្វើកំណត់ហេតុ ហើយព្រឹកថ្ងៃទី ១៣ ភាគីទាំងអស់ដែលពាក់ព័ន្ធបានត្រូវចូលមកដោះស្រាយនៅអធិការប៉ូលិសក្រុង ៕ ចន្ទ្រា