ជឿថាប្រិយមិត្តជាច្រើន ប្រាកដជានៅចាំបានហើយ ពីបុរសវ័យក្មេងរូបសង្ហា ជា ចាន់តុលា ដែលពីកាលពីពេលកន្លងមក បានធ្វើឲ្យផ្ទុះការភ្ញាក់ផ្អើលអស់បណ្តាញសង្គម បន្ទាប់ពីបានបញ្ចេញរឿងរ៉ាវស្នេហាបាក់បែក ព្រោះតែមនុស្សស្រីជាទីស្រលាញ់ប្រៀបដូចជាប្រពន្ធ រួមសុខរួមទុក្ខជាមួយគ្នា បង្កើតមុខរបររកស៊ី សល់លុយក្នុងដៃខ្ទង់លានដុល្លារ តែចុងក្រោយ មិនដឹងជាយ៉ាងម៉េច បែរជាស្រីបែកចិត្ត លួចទៅសម្ងំបង្កាត់ភ្លើងស្នេហ៍ដ៏ផ្អែមល្ហែមជាមួយគ្រូជោគជាំ ប៊ុន ផាក យ៉ាងរំភើយ។
ទោះជាយ៉ាងណា ក្រោយបរាជ័យជីវិតជាគូស្នេហ៍ដ៏ឈឺចាប់មួយនេះរួចមក បុរសប្រាថ្នាស្នេហ៍មិនដូចបំណង ជា ចាន់តុលា បានបង្ហោះសាររៀបរាប់ការរៀនពីបទពិសោធន៍បរាជ័យកន្លងៗមក ដោយរូបគេ បានប្រាប់ទៅកាន់មនុស្សមួយចំនួនថា ធ្វើជាមនុស្សត្រូវតែមានគុណតម្លៃស្នូល (core values) និងប្រកាន់ខ្ជាប់នូវគោលការណ៍ ឬគុណតម្លៃជា “មនុស្សមានគុណធម៌” នោះមានន័យថាយើងមិនធ្វើរាល់ទង្វើថោ,,កទាបណាដែលប៉ះទ,ង្គិច ឬបំ,ពានលើអ្នកដទៃ…។ តុលា បន្តឲ្យដឹងទៀតថា គួរគប្បីមានមនសិការ និងកំណត់គោលការណ៍ជាមនុស្សរបស់អ្នកឲ្យបានច្បាស់ នោះអ្នកនឹងមិនវង្វេងខ្លួនឯង និងមិនបារម្ភពីអ្នកណាគិតអ្វី ឬនិយាយអ្វីមកលើអ្នក ព្រោះអ្នកច្បាស់ខ្លួនឯងថាជាមនុស្សបែបណា ឬរវល់តែរកវិធីសាស្ត្របែបណាមកលាងខ្លួនឯងឲ្យល្អ។
តែទន្ទឹមមានភាពរឹងមាំ ស្រស់ស្រាយអារម្មណ៍ឡើងវិញ ជាច្រើនខែមកនេះយ៉ាងណាក៏ដោយ គេពុំសង្កេតឃើញ បុរសរូបនេះ រកឃើញអ្នកស្អំបេះដូងថ្មី បង្អួតអតីតនោះទេ ដោយតែងតែឃើញបង្ហោះរូបម្នាក់ឯងៗប៉ុណ្ណោះ។ ប៉ុន្តែ ថ្មីៗនេះ រូបគេស្រាប់តែធ្វើឲ្យមហាជន មានការភ្ញាក់ផ្អើលយ៉ាងខ្លាំង ខណៈបញ្ចេញរូបថតយ៉ាងស្វ៊ីតៗជាមួយនារីរូបស្រស់ស្អាតម្នាក់ បង្ហោះនៅលើគណនីហ្វេសប៊ុករបស់ខ្លួនជាលើកដំបូង។
ក្រោយពីបានឃើញរួចហើយ បងប្អូនអ្នកលេងបណ្តាញសង្គម ជាច្រើនចូលខមិនសរសើរថា តុលា រកបានអ្នកថ្មី ស្អាតជាងអ្នកឆ្ងាយណាស់! ។ តែទោះជាយ៉ាងណា នៅពេលគេសួរនាំថា តើជាម្ចាស់បេះដូងថ្មីមែន តុលា បានឆ្លើយថា មិនមែនទេ តាមពិត ស្រីស្អាតដែលលោកថតជាមួយគឺសុទ្ធតែបងប្អូនស្រីបង្កើតរបស់លោក ក្នុងនោះម្នាក់គឺជា បងស្រីធំ និងម្នាក់ទៀតជាប្អូនស្រី។
គួរបញ្ជាក់ថា ខណៈលោក ជា ចាន់តុលា ហាក់មិននឹកនារឿងស្នេហាអ្វីសោះ តែបើក្រឡេកទៅមើលអតីតសង្សាររបស់លោក នាង ស៊ាន ធារី ម្ចាស់ហាងV Shop បច្ចុប្បន្ន កំពុងតែសាងស្នេហា ជាមួយសហគ្រិនវ័យក្មេង ឬហៅថាគ្រូជោគជាំ ប៊ុន ផាក យ៉ាងផ្អែមល្ហែម៕ រក្សាសិទ្ធិដោយ៖ លឹម ហុង
