កាលពីពេលថ្មីៗនេះ (ថ្ងៃទី១១ ខែវិច្ឆិកា ឆ្នាំ២០២២) តារាសម្តែងរូបសង្ហា លោក ឆឹម សក្កដា និងតារាចម្រៀងស្រីចាស់វស្សា អ្នកនាង ពេជ្រ សោភា បានភ្ជាប់ពាក្យនឹងគ្នាក្នុងនាមជាគូដណ្តឹង បន្ទាប់ពីបានធ្វើស៊ីអារម្មណ៍អ្នកគាំទ្រ អស់រយៈពេលជាច្រើនខែថា អ្នកទាំងពីរបានបែកគ្នា ប៉ុន្តែ លាក់លែងជិតបានបែកធ្លាយរូបភាពស្វ៊ីតៗនឹងគ្នា ខណៈអ្នកទាំងពីរចូលរួមពិធីមង្កលការក្មួយរបស់ ពេជ្រ សោភា ដែលធ្វើឲ្យគ្រប់គ្នាគាំងយោបល់តែម្តង។
តែអ្វីដែលមិននឹកស្មានដល់នោះ គឺបន្ទាប់ពីភ្ជាប់ពាក្យនឹងគ្នាមិនបានប៉ុន្មានថ្ងៃផង ស្រាប់តែអ្នកទាំងពីរបានធ្វើឲ្យផ្ទុះការភ្ញាក់ផ្អើលសារជាថ្មី ទាក់ទងរឿងមិនពេញចិត្ត គេនាំហៅពួកខ្លួនថា ជា «ប្តីប្រពន្ធ» ពេញៗមាត់។
ជាក់ស្ដែង តារាប្រុសលោក ឆឹម សក្កដា បានចេញមុខមកបង្ហោះសារពន្យល់ទៅកាន់បុរសៗមួយចំនួន ឲ្យបានដឹងបែបនេះថា «ផ្ដាំទៅប្រុសៗគ្នាយើង បើយើងស្រឡាញ់គេ ចង់បានគេជាគូ យើងត្រូវថែរក្សាតម្លៃឲ្យមនុស្សស្រី! ពាក្យប្តីប្រពន្ធគេប្រើសម្រាប់តែពេលគេរៀបការរួចតែប៉ុណ្ណោះ! ដូចនេះ កុំអាលហៅខ្ញុំប្ដីអ្នកនេះ ប្ដីអ្នកនោះអី បើមិត្តភក្តិ ok»។
ចំណែកអ្នកនាង ពេជ្រ សោភា ក៏បានបង្ហោះភ្ជាប់រូបថតមួយសន្លឹក រួចពន្យល់បន្ថែមទាក់ទងពាក្យ «ប្តីប្រពន្ធ» នាំគ្នាហៅមុនរៀបការថា៖ «ក្នុងនាមនាងខ្ញុំជាមនុស្សមហាជន សុំនិយាយបន្តិចចុះ រាល់ថ្ងៃនេះយើងប្រើពាក្យខុសច្រើនណាស់(១.សង្សារ ២.គូរដណ្តឹង ៣.ប្តីប្រពន្ធ ) ពេលគេមានគូរដណ្តឹងមិនមែនគេប្រើពាក្យថាមានប្តីទេ រៀនយល់ន័យបន្តិច ពាក្យថាប្តីទាល់រៀបការរួចយល់ទេ? យើងគួររៀនប្រើពាក្យអោយសាកសមនឹងប្រពៃណីខ្មែរ កុំចេះតែប្រើពាក្យផ្តេសផ្តាស(ខ្ញុំនឹងដារាល់ថ្ងៃនៅផ្ទះរៀងខ្លួន)»៕ រក្សាសិទ្ធិដោយ៖ លឹម ហុង
ចុះប្រិយមិត្ត CEN វិញ យល់ឃើញយ៉ាងណាដែរ?
