ស្រ្តីជនជាតិម៉ាឡេស៊ី អាយុ ១០២ ឆ្នាំ ម្នាក់ បានក្លាយជាអ្នកបោះឆ្នោតចាស់ជាងគេ នៅក្នុង GE15 ខណៈដែលគាត់ទើបតែបានទៅបោះឆ្នោតនៅមហាវិទ្យាល័យ Likas Vocational College នៅម៉ោង 8:45 កាលព្រឹកថ្ងៃទី១៩ ខែវិច្ឆិកា ឆ្នាំ២០២២។
លោកយាយ Chung Kui Ching មកពី Kota Kinabalu ក៏ធ្លាប់ធ្វើឲ្យមានការភ្ញាក់ផ្អើលយ៉ាងខ្លាំង បន្ទាប់សារព័ត៌មានបានចុះផ្សាយថា លោកយាយគឺជាជនជាតិម៉ាឡេស៊ីមានវ័យចំណាស់បំផុត ដែលទទួលបានវ៉ាក់សាំង Covid-19 កាលពីឆ្នាំមុន។
សមាជិកគ្រួសាររបស់លោកយាយ បាននិយាយថា លោកយាយមិនដែលធ្វេសប្រហែស ចំពោះការទទួលខុសត្រូវរបស់ខ្លួន ក្នុងនាមជាអ្នកបោះឆ្នោតទេ ហើយមកទល់ឥឡូវនេះ លោកយាយបានបោះឆ្នោតចំនួន ១៥ ដងហើយ។
ក្រោយពីបានឃើញបែបនេះ ប្រជាជនម៉ាឡេស៊ី បានសម្ដែងការកោតសរសើរយ៉ាងខ្លាំង ចំពោះលោកយាយ Chung ដែលមានទំនួលខុសត្រូវ និងការបំពេញកាតព្វកិច្ចជាពលរដ្ឋរបស់គាត់ ទោះបីជាលោកយាយមានអាយុច្រើនក៏ដោយ។
អ្នកប្រើម្នាក់ទៀត បានសរសើរថា៖ «លោកយាយប្រកាន់សិទ្ធិជាពលរដ្ឋនៃប្រទេសប្រជាធិបតេយ្យ! ពិតជាគួរឲ្យគោរពខ្លាំងណាស់!»។ ហើយជាមួយគ្នានេះដែរ អ្នកប្រើប្រាស់ម្នាក់ទៀត ក៏បានសង្កត់ធ្ងន់ថា «ប្រសិនបើលោកយាយអាចទៅការិយាល័យបោះឆ្នោត ស្ថិតក្នុងស្ថានភាពបំពាក់អុកស៊ីហ្សែនបែបនេះ នោះពិតជាគ្មានលេសអ្វីសម្រាប់មនុស្សដទៃ មិនទៅបោះឆ្នោតនោះទេ»។
គួរបញ្ជាក់ថា កាលពីឆ្នាំ ២០១៨ លោក Mohd Said Mohd Arshad មកពី Sarawak ត្រូវបានគេរាយការណ៍ថា ជាអ្នកបោះឆ្នោតចាស់ជាងគេនៅអាយុ ១០៥ ឆ្នាំ ក្នុងអំឡុងពេល GE14 ។ យោងតាមគេហទំព័រគណៈកម្មាធិការរៀបចំការបោះឆ្នោត (SPR) គាត់កើតនៅថ្ងៃទី១ ខែមករា ឆ្នាំ ១៨៦៨ ដូចដែលបានកត់ត្រានៅលើអត្តសញ្ញាណប័ណ្ណរបស់គាត់៕ រក្សាសិទ្ធិដោយ៖ លឹម ហុង
