ភ្នំពេញ ៖ នៅក្នុងឆ្នាំសិក្សា២០២២-២០២៣ អាហារូបករណ៍ ស សុខា របស់ឯកឧត្តម ស សុខា រដ្ឋលេខាធិការក្រសួងអប់រំ យុវជន និងកីឡា និងជាអនុប្រធានសហភាពសហព័ន្ធយុវជនកម្ពុជា ទទួលបន្ទុកខេត្តព្រៃវែង បាត់ដំបង និងខេត្តបន្ទាយមានជ័យ និងលោកជំទាវ កែ សួនសុភី បានផ្តល់ជូនអាហារូបករណ៍ថ្នាក់បរិញ្ញាបត្រ និងថ្នាក់បរិញ្ញារង ១០០% ចំនួន ៣០កន្លែង ដល់សិស្ស-និស្សិតទាំង ៣ខេត្ត (ព្រៃវែង បាត់ដំបង បន្ទាយមានជ័យ) សិក្សានៅសាកលវិទ្យាល័យធនធានមនុស្ស ។
បើតាមសេចក្តីជូនដំណឹងរបស់ក្រុមការងារអាហារូបករណ៍ ស សុខា បញ្ជាក់ថា ការទទួលពាក្យស្នើសុំអាហារូបករណ៍ចាប់ផ្តើមពីថ្ងៃផ្សាយដំណឹងនេះ រហូតដល់ថ្ងៃទី១៥ ខែមករា ឆ្នាំ២០២៣ ។ ចំណែកឯការចូលរៀនលើកទី១ នៅថ្ងៃទី៣០ ខែមករា និងលើកទី២ នៅថ្ងៃទី២៧ ខែកុម្ភៈ ឆ្នាំ២០២៣ ៕
![](https://cen.com.kh/wp-content/uploads/2022/11/1-14-724x1024.jpg)
![](https://cen.com.kh/wp-content/uploads/2022/11/2-16-724x1024.jpg)
![](https://cen.com.kh/wp-content/uploads/2022/11/3-12-724x1024.jpg)
![](https://cen.com.kh/wp-content/uploads/2022/11/photo_2022-11-23_09-00-30-2-1024x682.jpg)
![](https://cen.com.kh/wp-content/uploads/2022/11/photo_2022-11-23_09-00-31-2-1024x682.jpg)