មហាជន ពិតជាមានការភ្ញាក់ផ្អើលខ្លាំងតែម្តង ខណៈដែលថ្មីៗនេះ មេតុងទីន ម៉ូលីកា បានប្រកាសក្ស័យធន ដោយសារតុងទីនហ្នឹងអស់ហើយ និងសូមឲ្យកូនៗទុកពេលឲ្យខ្លួនរកស៊ីសងចាប់ពីចំណុច ០ ឡើងវិញ ដោយអះអាងបានលក់ឡានរបស់របរគ្មានសល់នោះទេ និងថាខ្លួនក៏ជាជនរងគ្រោះដោយសារកូនៗបោកប្រាស់ផងដែរ ហើយថាបើមិនជឿ អាចមកឆែក ABA មើលបាន។
តាមរយៈទំព័រហ្វេសប៊ុករបស់ខ្លួន នៅយប់ថ្ងៃទី២៧ ខែវិច្ឆិកា ឆ្នាំ២០២២ មេតុងទីន ម៉ូលីកា បានប្រកាសក្ស័យធន និងសុំទោសកូនៗ ដោយលើកយកហេតុផលរៀបរាប់ហាក់កំសត់បែបនេះថា៖ «ទោះកូនរត់ កូនបោក កូនបន្លំ កូនមិនមានទំនួលខុសត្រូវសងលុយខ្ញុំមកវិញ ខ្ញុំនៅតែយាយពាក្យដដែលថានិងនៅរកលុយសងកូនកូនរងគ្រោះទាំងអស់មិនអោយបាត់សូម្បី1$ឡើយ ខ្ញុំសុខចិត្តលក់ឡានលក់របស់របរសងទាល់តែអស់ហើយនៅថាខ្ញុំបោកទៀតមែនទេ ហើយខ្ញុំមិនសុំអ្វីច្រើនពីរបងប្អូនឡើយសុំត្រឹមទុកពេលអោយខ្ញុំរកពីចំណុច0មកវិញដើម្បីសងបងប្អូនដែលមិនទាន់បានលុយ ហើយបងប្អូនអាចមកធ្វើឯកសារបានដើម្បីទំនុកចិត្ត
មនុស្សណាដែលចង់បានជីវិតធ្លាក់មកដល់ចំណុចនិង គឺគ្មានទេ មនុស្សណាដែលចង់អោយគេបោក មនុស្សណាដែលខំសាងកេរ្តិ៍ឈ្មោះបានដល់ចំណុចនេះហើយ ក៏ត្រូវមកក្លាយជាបែបនេះ គ្មាននរណារចង់បានជីវិតបែបនេះទេ គ្មាននណារចង់ខុសទេ ចឹងសូមបងប្អូនអនុគ្រោះ ឈប់បន្តរការជេរ ការវាយប្រហារ ការផុស ចំពោះរូបខ្ញុំទៀតផងចុះ ខ្ញុំក្សយ័ធុននិងទុងទីននិងអស់ហើយ ហើយមិនបានបោកបងប្អូនណាទេបើមិនជឿរអាចមកឆែកកុងABA និងឆែកមើលបានថាខ្ញុំសល់អីខ្លះនៅពេលនេះ បាត់បង់អីខ្លះនៅពេលនេះ
ខ្ញុំក៏ជាជនរងគ្រោះម្នាក់ដែលដែល ហើយសួរថាលុយបាត់ទៅណាអស់ គឺលុយកូនដេញហើយរត់មិនបង់ កូនបន្លំABA edit ABA ហើយខ្ញុំនិងមិនអោយពួកវារួចខ្លួនដែល ខ្ញុំនិងចាត់ការតាមច្បាប់ទារពួកវាអោយបានអោយអស់ដើម្បីបានលុយមកអោយកូនទុងទីនលឿនៗ ហើយខ្ងុំសូមទោសកូនទុងទីនទាំងអស់ដែលខ្ងុំមានការធ្វេសប្រហែសខ្លាំងក្នុងការគ្រប់គ្រងខ្សែរទុងទីន1រយះក្រោយនេះ»។
ប៉ុន្តែ ទាក់ទងត្រង់ចំណុចថា បើកូនៗមិនជឿ អាចមកឆែកកុង ABA មើលបាន ស្រាប់តែគណនីហ្វេសប៊ុក Kim SophaRy បានចោទជាសំនួរយ៉ាងចាក់ដោតថា៖ «គាត់ប្រកាសថាក្ស័យធុន ហើយអត់លុយសង ខ្ញុំសុំសួរមួយ ព្រោះជាម្ចាស់លុយម្នាក់ដែរ បងៗលុយធំគាត់ថាយកទូស័ព្ទABA គាត់ឆែកហើយថាអត់មានបាញ់ទៅណាទេ ហេតុអីលុយបាត់ច្រើនម្លេះ ខ្ញុំ2ជាតិទៀតមិនបានផងលុយ លាន$$$$$ គេធ្វើតែមួយក្បាច់ សួរមួយណាស្រីកា លុយសុទ្ធដែលទៅដកនៅក្រុមហ៊ុន ABA ហ្នឹងយកទៅណា??? ព្រោះគេឆែក ABA ហើយ ថាមិនឃើញបាញ់ចេញទេ ចឹងលុយដែលដកជាលុយសុទ្ធ យកទៅណា ?? អាចមានចម្លើយទេ ? ព្រោះស្រីកាដឹងថាប្រជាជនខ្មែរ ប៉ិនអាណិត សំពះសុំទោសរួចខ្លួន. (មានរូបសុំទោសម្ចាស់លុយមែន គ្រាន់ទាយទុកសោះ)»។
ទោះជាយ៉ាងណា ការចេញមកផុសថា ខ្លួនជាជនរងគ្រោះព្រោះកូនៗបោក ពិសេសចោទថាកូនៗចេះ edit ABA បែបនេះ បានធ្វើឲ្យមហាជនសម្តែងការហួសចិត្តយ៉ាងខ្លាំងថា «សម្ដែងធ្វើជនរងគ្រោះអីក៏សមម្ល៉េះ, បើគេបោកនាង ម្ល៉េះនាង post1ថ្ងៃ 20 ដងហើយ មែនស្លូតចឹងទេ, ហើយចុះមានមេធាវី ម៉េចក៏មិនប្តឹងទៅ អីក៏ពូកែសម្តែងម្ល៉េះ!!»។
ដោយឡែក គណនីហ្វេសប៊ុកមួយទៀតឈ្មោះ Ouk Lymeng ក្រោយការប្រកាសក្ស័យធន និងរូបថតសំពះសុំទោសម្ចាស់បំណុលហាក់សម្តែងកំសត់បែបនេះ បានដាក់ឲ្យកប់ៗថា៖ «ពីមុនសំដីថ្លោសណាស់ សុទ្ធតែនិយាយថា អញជំពាក់ម៉ានលាន អញលក់តែកង់ឡានមួយក៏សងអស់ដែរ ឥឡូវអស់លិតដើរសំពះសុំអង្វរគេ កុំអោយចាប់ដាក់គុក អោយសមមុខសំដីជេរគេច្រាសឆ្អេះ តែបងៗកុំភ្លេចមនុស្សនេះពូកែសំដែងលេខ1នៅមុខម្ចាស់បំណុល បើមនុស្សដឹងខ្លួនខុស មែននៅចេះប្រើពាក្យមើលងាយអ្នកដទៃឆ្កួត ទាំងដែលខ្លួនឯងអន់ជាងគេទៀត ព្រោះគេមិនចេះសំដែងតួកំសត់ដូចអ្នកឯងទេ»៕ រក្សាសិទ្ធិដោយ៖ លឹម ហុង
