ភ្នំពេញ ៖ បេសកកម្មជាច្រើនថ្ងៃ ក្រោយចប់ការប្រកួតដ៍ធំ កម្ពុជាយើងបានដណ្តើមយកមកុដ ក្នុងចំណោមរាជនីទាំង១០។ ពួកគេបានបន្តរួមសហការ ជាមួយលោក ណាវ៉ាត់ អ្នកគ្រប់គ្រង ដោយបានឱកាសចាប់យកទីផ្សារច្រើនកន្លែងទាំងនៅតាមក្រុមហ៊ុន និងជួបហ្វេនៗ។ ពេជ្រ វត្តី ត្រូវបានលោក ណាវ៉ាត់ពេញចិត្តពេញថ្លើមណាស់ សូម្បីតែទៅណាថតរូបជាមួយរហូត។ បែបនេះហើយលោក ណាវ៉ាត់ ចង់អោយលើកមុខមាត់បវរកញ្ញាយើង អោយសាកសមការព្យាយាមព្រោះនាង ខំដោយសមត្ថភាពពិត។
![](https://cen.com.kh/wp-content/uploads/2022/11/photo_2022-11-28_09-54-02-684x1024.jpg)
ពេជ្រ វត្តីសារ៉ាវឌ្ឍី និងមកកម្ពុជាវិញ ខែធ្នូខាងមុខនេះហើយ បន្ទាប់ពីចំណាយពេលមមាញឹក ការងារ ជាមួយក្រុមបវរកញ្ញារាជនី១០ ប្រទេស របស់MGI 2022។ ពេលនេះនាងកំពុងបន្តបេសកម្មការងារ ក្នុងប្រទេសហ្វីលីពីន។តាមដឹងនាង ក្លាយជាបវរកញ្ញា សំណព្វចិត្តប្រជាជន នៅអាស៊ាននេះណាស់ដូចជាថៃ ឥណ្ឌូនេស៊ី ហ្វីលីពីនជាដើម ព្រោះស្លូតបូត និងរួសរាយរាក់ទាក់។
ទទួលបាន ការងារច្រើនណាស់សុទ្ឋតែការងារល្អៗ ទាំងនៅប្រទេសឥណ្ឌូនេស៊ី និងថៃ។ វត្តីទទួលបានភាពកក់ក្តៅច្រើនពីអ្នកស្រឡាញ់ចូលចិត្តនាង។ ហ្វេនៗខ្លះទិញកាដូ និងជូនជាថវិកា រហូតឃើញមានការជូនជាគ្រឿងពេជ្រ ដល់នាងទៀតផង។ នេះជាមហាកិត្តិយសណាស់សម្រាប់បវរកញ្ញា កម្ពុជាយើងឆ្នាំនេះលើកមុខមាត់ លើសលុបខ្លាំង។
![](https://cen.com.kh/wp-content/uploads/2022/11/photo_2022-11-28_09-54-01.jpg)
បើតាមប៉ាប៉ាណាវ៉ាត់បាននិយាយថា : ខែធ្នូនេះ ម្ចាស់ក្សត្រី ទាំង10 របស់ MGI2022 នឹងវិលទៅប្រទេសពួកគេវិញ ប៉ុន្តែគាត់មិន ទាន់អនុញ្ញាត អោយ Pichy មកប្រទេសកម្ពុជាវិញទេ! គាត់បានបន្ថែមទៀតថា ប្រសិនបើកម្ពុជាមិនមានពិធីស្វាគមន៍ Pichy ឲ្យធំដុំសមនឹងកិត្តិយសនាងទេ គាត់នឹងមិនអោយ Pichy មកផ្ទះជាដាច់ខាត ប៉ាណាវ៉ាត់លេងឈុតធំហើយ ។ ប៉ាប៉ាល្អពេកហើយ គាត់តែងតែបារម្ភពីកិត្តិយសកូនស្រីគាត់ជានិច្ច
អោយតែពេលគាត់មកជួបវត្តីម្តងៗ គាត់តែងតែលេងសើចនឹងថតរូបជាមួយវត្តីជានិច្ច ហើយបើសិនជាវត្តីមកខ្មែរវិញគាត់នឹងជូនដំណើរឲ្យខ្លួនគាត់ផ្ទាល់ ។ គេសង្ឃឹមថាខាងអ្នកគ្រងកម្ពុជា និងសម្រួលរឿងនេះឲ្យសមតាមការចង់បានពីលោកណាវ៉ាត់។ គួរបញ្ជាក់ដែរថា ឆ្នាំ២០២២ នេះ បវរកញ្ញា កម្ពុជាយើង បានដណ្តើម យកមកុដ៤រួចហើយ ដោយយើងទើបតែ បោះជំហានលើឆាកអន្តរជាតិ។ នេះជាការរីកចម្រើនមួយ ហើយចូរគាំទ្រនិងឲ្យតម្លៃបន្តទៀត៕ រក្សាសិទ្ធិដោយ ៖ ឧត្តម
![](https://cen.com.kh/wp-content/uploads/2022/11/photo_2022-11-28_09-53-56-2-1-833x1024.jpg)
![](https://cen.com.kh/wp-content/uploads/2022/11/photo_2022-11-28_09-53-56-3-845x1024.jpg)
![](https://cen.com.kh/wp-content/uploads/2022/11/photo_2022-11-28_09-53-57-2-1024x682.jpg)
![](https://cen.com.kh/wp-content/uploads/2022/11/photo_2022-11-28_09-53-58-2-824x1024.jpg)
![](https://cen.com.kh/wp-content/uploads/2022/11/photo_2022-11-28_09-53-59-682x1024.jpg)
![](https://cen.com.kh/wp-content/uploads/2022/11/photo_2022-11-28_09-54-00-2-1024x683.jpg)
![](https://cen.com.kh/wp-content/uploads/2022/11/photo_2022-11-28_09-54-01-2-2-828x1024.jpg)
![](https://cen.com.kh/wp-content/uploads/2022/11/photo_2022-11-28_09-54-03-1-1024x682.jpg)
![](https://cen.com.kh/wp-content/uploads/2022/11/photo_2022-11-28_09-54-04-1-818x1024.jpg)
![](https://cen.com.kh/wp-content/uploads/2022/11/photo_2022-11-28_09-54-06-1-683x1024.jpg)