Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

អស់ទាស់! ត្រូវឆ្នោត​ជាង ១ លាន​ដុល្លារ ចំ​ពេល​បំបួស​កូន មានអី លេង​ជិះ​ឡាន​ស្ទួច បាច​លុយ​បាច​មាស​ចែក​ទាន ផ្អើល​ពេញ​វត្ត

spot_img

គ្រួសារមួយមកពីខេត្ត Lopburi បានកំពុងល្បីខ្លាំងនៅលើអ៊ីនធើរណែត បន្ទាប់ពីបាននាំយកប្រាក់មួយចំនួនធំ នៃទឹកប្រាក់សំណាងឈ្នះឆ្នោតរង្វាន់ធំចំនួន ៥៤ លានបាត (ស្មើនឹង ១.៥ លានដុល្លារ) កាលពីថ្ងៃទី១៦ វិច្ឆិកា ទៅបាច់ចែកទានដល់មនុស្សរាប់រយពាន់នាក់ ផ្អើលពេញវត្ត នៅក្នុងពិធីបំបូសកូនប្រុសរបស់ពួកគេ។

តាមប្រភពព័ត៌មានបានឲ្យដឹងថា អ្នកស្រី Siridao Saosiri និងគ្រួសារ បានរៀបចំពិធីបំបួសកូនប្រុសរបស់គាត់ឈ្មោះ Chaiyaporn Likhanachul នៅគេហដ្ឋានរបស់គាត់ នៅឃុំ/ ស្រុក Kok Ko ទីក្រុង Lopburi នៅថ្ងៃទី២៦ ខែវិច្ឆិកា ឆ្នាំ២០២២។

ក្នុង​ថ្ងៃ​ដង្ហែ​នាគ គ្រួសារ​របស់គាត់បាន​រៀបចំ​ក្រដាស ១០០ បាត ក្រដាស់ ២០ បាត សរុប១​សែន​បាត (ស្មើជិត ៣០០០ ដុល្លារ) និង​ខ្សែក​មាស​ចំនួន ១០ ខ្សែ ដើម្បីយកទៅ​បាច​នៅ​មុខ​ព្រះវិហារ​វត្ត Tha Sala​ ដែល​បង្កើត​ការ​ភ្ញាក់​ផ្អើល​សម្រាប់​អ្នក​ដែល​បាន​ទទួល​ព័ត៌មាននេះ ត្រៀមខ្លួនជាមុន។

ជាក់ស្តែង នៅពេលក្បួនដង្ហែនាគចាប់ផ្តើមចេញពីផ្ទះ ហើយមកដល់វត្តនៅម៉ោង ៨:០០ ព្រឹក តាមការគ្រោងទុកនោះ ស្រាប់តែមានប្រជាពលរដ្ឋរាប់ពាន់នាក់ បាននាំគ្នាមកឈរចាំប្រជ្រៀតណែនតាន់តាប់ពេញទីធ្លាវត្តតែម្តង។

តែយ៉ាងណា បន្ទាប់ពិធី​ដង្ហែ​នាគ​ជុំវិញ​ព្រះវិហារ​ចំនួន​៣​ជុំ​ រួច អ្នកស្រី Siridao ក៏បាន​ចាប់ផ្តើមចាប់យក​លុយក្រដាស ​១០០ ​បាត និង​២០​បាត បាច​រាយប៉ាយ​នៅ​មុខ​ទ្វារ​ព្រះវិហារ ខណៈប្តីរបស់អ្នកស្រីជិះកន្រ្តកឡានស្ទួចបាចពីខាងលើ ស្ថិតក្នុង​បរិយាកាស​ពោរពេញ​ទៅ​ដោយ​ភាព​សប្បាយ​រីក​រាយ ​លាយ​ឡំ​នឹង​ភាព​ចលាចល ដែល​ចំណាយ​ពេល​ប្រហែល ១៥ នាទី​ ។ អ្នក​ភូមិ​ខ្លះ​ស្កប់​ចិត្ត ខ្លះ​ខក​ចិត្ត និង​ខ្លះ​រង​របួស​ស្រាលក៏មានដែរ។

គួរបញ្ជាក់ថា ក្នុងនោះចំណោមអ្នកទទួលបានលុយ គឺមានអ្នកមានសំណាង៣នាក់ ចាប់បានខ្សែកមាសដោយក្នុងម្នាក់ៗ១តម្លឹង រំភើបត្រេកអរយ៉ាងខ្លាំង ខណៈអ្នកដែលចាប់បានក្រដាសឆ្នោត ក៏មកទទួលរង្វាន់ផងដែរ៕ រក្សាសិទ្ធដោយ៖ លឹម ហុង

spot_img
×