ភ្នំពេញ ៖ លោកជំទាវ កុយ សុដានី រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំ ដើម្បីជំរុញការងារចរចាបញ្ចប់វិវាទកិច្ចសន្យា ជាមួយក្រុមហ៊ុនសាងសង់ TSO SA លើកិច្ចសន្យាស្ដារផ្លូវដែកទិសខាងជើង (ភ្នំពេញ-ប៉ោយប៉ែត) និងការបំពេញកាតព្វកិច្ចសារពើពន្ធរបស់ក្រុមហ៊ុន ដោយមានការចូលរួមពីមន្ត្រីជំនាញក្រសួងសេដ្ឋកិច្ច និងហិរញ្ញវត្ថុជាច្រើនរូបផងដែរ នៅទីស្ដីការក្រសួង ថ្ងៃសុក្រ ទី០២ ខែធ្នូ ឆ្នាំ២០២២។
![](https://cen.com.kh/wp-content/uploads/2022/12/photo_2022-12-03_11-31-58-1024x683.jpg)
លោកជំទាវ កុយ សុដានី បានថ្លែងថា ឆ្លងកាត់ការពិនិត្យលើសាវតារបស់គម្រោងស្ដារផ្លូវដែកទិសខាងជើង (ភ្នំពេញ-ប៉ោយប៉ែត) ដែលអនុវត្តការសាងសង់ដោយក្រុមហ៊ុន TSO SA អង្គប្រជុំបានបន្តពិនិត្យពិភាក្សា និងផ្លាស់ប្ដូរយោបល់លើកិច្ចព្រមព្រៀងដោះស្រាយ កាតព្វកិច្ចសារពើពន្ធ និងវិវាទកិច្ចសន្យាដែលផ្ដល់ជូនដោយក្រុមហ៊ុន TSO SA ហើយជាលទ្ធផល អង្គប្រជុំបានសម្រេចស្នើសុំគោលការណ៍ ពីថ្នាក់ដឹកនាំក្រសួងសេដ្ឋកិច្ច និងហិរញ្ញវត្ថុ អនុញ្ញាតទទួលកាតព្វកិច្ចសារពើពន្ធ និងសំណងកិច្ចសន្យាពីក្រុមហ៊ុនផ្ទាល់ជាកញ្ចប់ ដើម្បីបញ្ចប់បញ្ហាក្នុងកិច្ចសន្យាគម្រោងនេះ៕ រក្សាសិទ្ធិដោយ ៖ សុទ្ធលី
![](https://cen.com.kh/wp-content/uploads/2022/12/4-14-2.jpg)
![](https://cen.com.kh/wp-content/uploads/2022/12/10946-2.jpg)
![](https://cen.com.kh/wp-content/uploads/2022/12/download-2.jpg)
![](https://cen.com.kh/wp-content/uploads/2022/12/photo_2022-12-03_11-31-57-2-2-1024x603.jpg)
![](https://cen.com.kh/wp-content/uploads/2022/12/photo_2022-12-03_11-31-57-3-1024x660.jpg)
![](https://cen.com.kh/wp-content/uploads/2022/12/photo_2022-12-03_11-31-58-2-1024x683.jpg)
![](https://cen.com.kh/wp-content/uploads/2022/12/photo_2022-12-03_11-31-58-3-2-1024x683.jpg)
![](https://cen.com.kh/wp-content/uploads/2022/12/photo_2022-12-03_11-31-58-5-1-1024x683.jpg)
![](https://cen.com.kh/wp-content/uploads/2022/12/photo_2022-12-03_11-31-58-6-1-1024x602.jpg)
![](https://cen.com.kh/wp-content/uploads/2022/12/photo_2022-12-03_11-31-58-7-1024x683.jpg)
![](https://cen.com.kh/wp-content/uploads/2022/12/photo_2022-12-03_11-31-58-8-1024x683.jpg)
![](https://cen.com.kh/wp-content/uploads/2022/12/photo_2022-12-03_11-31-58-9-1024x683.jpg)
![](https://cen.com.kh/wp-content/uploads/2022/12/us96-million-phnom-penh-poipet-rail-line-complete-2-1.jpg)