ទិដ្ឋភាពស្រ្តីម្នាក់ រត់ដេញតាមបុរសម្នាក់ ទាំងកណ្តាលយប់ ក្នុងស្ថានភាពនរុំកន្សែងពោះគោននលគក ខណៈបាតជើងទទេស្អាត ដែលមើលទៅហាក់ដូចជានាងទើបតែរត់ចេញពីសណ្ឋាគារ បានធ្វើឲ្យអ្នកដំណើរឆ្លងកាត់ភ្ញាក់ផ្អើល និងងឿងឆ្ងល់យ៉ាងខ្លាំង ដោយមិនដឹងថាអ្នកទាំងពីរមានរឿងអ្វីនឹងគ្នានោះទេ។
ហេតុការណ៍នេះត្រូវបានឃើញ និងថតដោយអ្នកដំណើរកាលយប់ពីថ្ងៃទី១៣ ខែវិច្ឆិកា នៅតាមផ្លូវ Maoming ខេត្ត Guangdong ប្រទេសចិន។ ហើយវីដេអូទិដ្ឋភាពរត់ដេញតាមគ្នារបស់គូស្នេហ៍នេះ បានទាក់ទាញការចាប់អារម្មណ៍យ៉ាងខ្លាំង នៅលើបណ្តាញទំនាក់ទំនងសង្គមចិន។
ស្ត្រីរូបនោះត្រូវបានឮស្រែកខ្លាំងៗថា៖ «ស្តាប់ការពន្យល់របស់ខ្ញុំ វាមិនដូចការគិតអីទេ លើកនេះខ្ញុំស្រវឹងធ្លាក់ក្នុងអន្ទាក់…» ។
តែយ៉ាងណាមិញ បើតាមប្រជាពលរដ្ឋដែលឃើញហេតុការណ៍ បានប្រាប់ឲ្យដឹងថា បុរសដែលចាកចេញនោះ គឺប្ដីរបស់នាង។ គាត់តាមទាន់ប្រពន្ធរបស់គាត់ “មានទំនាក់ទំនងស្នេហា” ជាមួយប្រុសផ្សេងនៅក្នុងសណ្ឋាគារ ដូច្នេះគាត់បានថតរូបទុកជាភស្តុតាង រួចចាកចេញទាំងកំហឹង ដែលជាហេតុធ្វើឲ្យស្រ្តីជាប្រពន្ធប្រហែលដឹងខ្លួនខុស ខំរត់ដេញតាមប្តី តែភ្លេចថា នាងគ្រាន់តែរុំជាមួយកន្សែងពោះគោប៉ុណ្ណោះ។
ហេតុការណ៍នេះបន្ទាប់ពីមានការចែករំលែកតៗគ្នានៅលើបណ្តាញសង្គម បានបន្សល់នូវមតិសាទរព្រោងព្រាត។ មនុស្សជាច្រើនបានរិះគន់ពីភាពមិនស្មោះត្រង់របស់ប្រពន្ធ និងអាណិតអាសូរចំពោះការឈឺចាប់របស់ប្ដី។
ក្នុងនោះ អ្នកខ្លះបានលើកសរសើរប្តីថា៖ «ប្តីកំសត់ ក្រឡេកមើលអាកប្បកិរិយារបស់គាត់ អ្នកអាចប្រាប់បានថា គាត់ជាមនុស្សស្ងប់ស្ងាត់ ជាអ្នកថ្លៃថ្នូរ មានចំណេះដឹង»។ ខណៈអ្នកខ្លះទៀតបានជេរស្រ្តីជាប្រពន្ធថា៖ «លួចផិតក្បត់ប្តីប៉ុណ្ណឹងហើយ នៅមុខក្រាស់ សុំឲ្យគាត់លើកលែងទោសទៀត ស្រីបែបនេះ សូមកុំយកធ្វើជាប្រពន្ធទៀត…»៕ រក្សាសិទ្ធិដោយ៖ លឹម ហុង
