នេះជាផ្ទាំងទស្សនីយ៍ភាពវីដេអូដ៏អស្ចារ្យមួយ ដែលអ្នកប្រើប្រាស់ហ្វេសប៊ុកម្នាក់ឈ្មោះ Jed Nhiko Cabañes Nagales បានចែករំលែក និងបង្ហាញឲ្យឃើញក្មេងស្រីជំទង់ម្នាក់ «ហោះ» ឡើងលើអកាស ដើម្បីបេះផ្លែស្វាយ១ចង្កោម ដែលមានកម្ពស់ពីដីប្រហែល ៦ ម៉ែត្រ ។
តាមរយៈវីដេអូឃ្លីប ក្មេងស្រីនេះ ត្រូវជួយដោយមិត្តភក្តិប្រុសៗរបស់នាងចំនួន ៤ នាក់ រួមកម្លាំងតែមួយ ដើម្បីលើករុញនាងហោះឡើងលើអាកាស ។ ពិតជាអស្ចារ្យណាស់ កម្លាំងរួមសាមគ្គីគ្នារបស់ក្មេងប្រុសទាំងនេះ បានជួយឲ្យមិត្តភក្តិស្រីរបស់ពួកគេ អាចហោះទៅដល់ផ្លែស្វាយមួយចង្កោម ហើយនាងអាចចាប់ច្បាមបានតែផ្លែស្វាយ១ ឬ ២ ក្នុងចំណោមផ្លែទាំងនោះ ។
ជាការពិតណាស់ នេះជាស្ទៃល៍បេះស្វាយ ១-០-២ ដែលអ្នកពុំធ្លាប់ឃើញពីមុនមក ។ ហើយវីដេអូដ៏អស្ចារ្យនេះ ត្រូវបានមនុស្សទស្សនាជិត ២ លាននាក់ ៕ ចន្ទី
