បុរសម្នាក់នៅទីក្រុងយ៉ាងចូខេត្តជៀងស៊ូប្រទេសចិន ប៉ុន្មានថ្ងៃនេះបានធ្វើពិធី “សែន” រថយន្តដែលគាត់ទើបនឹងទិញបាន តម្លៃ ៥០០.០០០យាន់ (77.000USD) ។ តាមប្រជាជនដែលរស់នៅក្នុងតំបន់នោះឲ្យដឹងថា គេឃើញបុរស២នាក់ រៀបចំម្ហូបអាហារនៅលើរថយន្ត ព្រមទាំងដុតធូបធំៗពីរដើម ហាក់ដូចជាពួកគេរៀបចំពិធីថ្លែងអំណរគុណដល់ទេវតាដែលបានជួយឲ្យពួកគេទិញរថយន្តថ្មីនេះ ។
ប៉ុន្តែពិធីសែនប្រព្រឹត្តទៅមិនបានជាយូរប៉ុន្មានផង កម្ទេចភ្លើងបានខ្ទាតទៅលើរថយន្ត ហើយក៏ឆាបឆេះសន្ធោសន្ធៅតែម្តង ។
ភ្នាក់ងារពន្លត់អគ្គិភ័យបានមានវត្តមាននៅកន្លែងកើតហេតុ ហើយត្រូវចំណាយពេលវេលាអស់ជាង ១០នាទី ទើបពន្លត់បាន ។
តាម FCMP រថយន្ត BMW ដែលត្រូវឆាបឆេះនេះ ទើបត្រូវបានបុរសនោះទិញ ២-៣ថ្ងៃមុនប៉ុណ្ណោះ ហើយមិនទាំងមានស្លាកលេខផង ៕ ចន្ទ្រា
