នេះជារឿងដ៏ភ្ញាក់ផ្អើល និងគួរឲ្យហួសចិត្តយ៉ាងខ្លាំង នៅពេលដែលបានឃើញស្រីៗត្រូវបានសន្តិសុខឆែកឆេរ «លូករាវ» គ្មានសល់កោះកន្លៀតលើដងខ្លួន ជាពិសេសនៅតំបន់កេរ្តិ៍ខ្មាសផ្នែកខាងក្រោមខោ មុនពេលអនុញ្ញាតឲ្យទស្សនាការប្រគុំតន្រ្តីដ៏ធំមួយ នៅក្នុងទីក្រុងបាងកក។
ទាក់ទងរឿងនេះ នារីម្នាក់ដែលចូលរួមក្នុងពិធីបុណ្យ 808 រយៈពេល ៣ ថ្ងៃនៅ BITEC Bang Na បាននិយាយថា ឆ្មាំសន្តិសុខបានប៉ះស្រីៗទាំងអស់ “នៅចន្លោះចង្វែកភ្លៅ ពួកគេពិតជាបានលូកស្ទាបលើសម្លៀកបំពាក់” និង “បានប៉ះសុដន់របស់ខ្ញុំផ្ទាល់ៗតែម្តង”។ នាងក៏បានផ្សព្វផ្សាយរូបភាព និងវីដេអូនៃអ្នកចូលរួមផ្សេងទៀត ដែលក៏ត្រូវបានធ្វើរឿងដ៏គ្រោតគ្រាតនេះដូចគ្នា ហើយបាននិយាយថា ពួកគេមិនមានការជូនដំណឹងជាមុន ឬ ការប៉ុនប៉ងធ្វើនេះ ដើម្បីទទួលបានការយល់ព្រមនោះទេ។
នារីជនជាតិជប៉ុនម្នាក់ឈ្មោះថា Hitomi Okemoto បានប្រាប់អ្នកសារព័ត៌មានថា «ខ្ញុំបានទៅពិធីបុណ្យផ្សេងទៀតនៅក្នុងប្រទេសថៃ តែ [មិនមានអ្វីកើតឡើងដូច] ការពិនិត្យរាងកាយផ្លូវភេទបែបនេះពីមុនមកទេ។ វាហួសហេតុពេកហើយ ខ្ញុំគិតថា ស្ត្រីផ្សេងទៀតក៏មានអារម្មណ៍ខ្ពើមរអើម និងភ័យខ្លាច និងសោកសៅដែរ»។
នាងបាននិយាយថា នាងនឹងមិនចូលរួមក្នុងពិធីបុណ្យ 808 នេះទៀតទេ។ នាងក៏បានបន្ថែមថា៖ «ខ្ញុំសង្ឃឹមថាពួកគេមិនរកប្រាក់បានទៀតទេនៅឆ្នាំក្រោយ បន្ទាប់ពីបៀតបៀនស្ត្រីបែបនេះ»។
ដោយឡែក អ្នកចូលរួម១០នាក់ផ្សេងទៀត បានប្រាប់អ្នកយកព័ត៌មានថា ពួកគេក៏មានអារម្មណ៍ថា នេះការប៉ះពាល់ផ្លូវភេទមិនសមរម្យទាល់តែសោះ។ យុទ្ធសាស្ត្រឆែកឆេរនេះហាក់ដូចជាផ្តោតទៅលើស្ត្រីភាគច្រើន ព្រោះមានអ្នកចូលរួមជាបុរសជាច្រើននិយាយថា ពួកគេមិនត្រូវបានឆែកលូករាវកប់ៗបែបនេះទេ។
គួរបញ្ជាក់ថា ការឆែកឆេរនេះ គឺធ្វើដាច់ដោយឡែកពីគ្នា ដោយស្រីៗត្រូវបានចាត់ទៅផ្នែកសន្តិសុខស្រីឆែកឆេរ ខណៈបុរសៗត្រូវបានចាត់ទៅខាងសន្តិសុខប្រុសៗ៕ រក្សាសិទ្ធិដោយ៖ លឹម ហុង
This is a movie a woman right before me body checked by security. pic.twitter.com/Huu23zKOjx
— He told me | Pro Drunk (@HetoldmeXOXO) December 11, 2022