ថ្មីៗនេះ ករណីក្រុមសន្តិសុខ នៃព្រឹត្តិការណ៍ប្រគុំតន្រ្តីដ៏ធំ ដែលហៅថា “808 Festival” នៅក្នុងទីក្រុងបាងកក ដែលបានអនុវត្តការឆែកឆេរលូករាវរកគ្រឿងញៀន ទៅលើស្រីៗដ៏មិនសមរម្យ បានបង្កឲ្យមានការហួសចិត្ត និងរិះគន់យ៉ាងខ្លាំង ពីសំណាក់មហាជនអ្នកប្រើប្រាស់បណ្តាញសង្គម។
ទាក់ទងរឿងដ៏ហួសហេតុនេះ នារីជនជាតិជប៉ុនម្នាក់ ដែលកំពុងរស់នៅក្នុងប្រទេសថៃអស់រយៈពេល ៣ ឆ្នាំ និងក៏ជាអ្នកទៅចូលរួមផងដែរ មានឈ្មោះ Hitomi បានប្រាប់ឲ្យដឹងថា មន្ត្រីសន្តិសុខបានឆែកឆេរទាំងក្រោមខោ និងក្រោមអាវទ្រនាប់ រហូតដល់ស្រីៗគ្រប់គ្នាទទួលអារម្មណ៍មិនល្អ បើទោះជាមន្ត្រីទាំងនោះជាស្ត្រីដូចគ្នាក៏ដោយ។ ហើយហេតុការណ៍បែបនេះមិនធ្លាប់កើតឡើងចំពោះនាងក្នុងកម្មវិធីតន្ត្រីណាមួយពីមុនមកទេ។
នាងក៏បានបង្ហាញរូបភាព និងវីដេអូ ពីទិដ្ឋភាពស្ត្រីមុនៗដែលត្រូវបានសន្តិសុខឆែកឆេរ ចាប់តាំងពីដោះស្បែកជើង ដោះស្រោមជើងឡើងទៅ។ ចំណែករូបនាង ក៏ត្រូវបានគេកំណត់គោលដៅ ហើយត្រូវបានគេចាប់ដោយផ្ទាល់ជាមួយនឹងក្បាលសុដន់របស់នាងតែម្តង។
នារីជប៉ុនខាងលើ បានបន្តថា ក្នុងហោប៉ៅរបស់នាងត្រូវបានគេលូកខ្វេះ និងធ្វើឲ្យខ្ចាត់ខ្ចាយលិខិតឆ្លងដែន ត្រូវបានគេលាតត្រដាងវែកមើលគ្មានសល់ទេ។ នាងនិយាយថា «ខ្ញុំបានធ្វើដំណើរទៅ ៣២ ប្រទេស។ ខ្ញុំនៅប្រទេសថៃបាន៣ឆ្នាំហើយ តែខ្ញុំមានអារម្មណ៍មិនស្រួលពេលឃើញរឿងបែបនេះ។
តែទន្ទឹមនឹងរឿងនេះកើតឡើងបង្កឲ្យមានមតិមហាជនផ្ទុះការរិះគន់ គេក៏បានឃើញអ្នករៀបចំបុណ្យ៨០៨ បានទាក់ទងទៅនាងវិញ ហើយបាននិយាយថា «នេះជាការឆែកឆេររកថ្នាំញៀន និងបានសុំទោសចំពោះអ្វីដែលបានកើតឡើង ប៉ុន្តែ បដិសេធមានចេតនាអាក្រក់បែបនេះនោះទេ»។
អ្នកប្រើ Twitter ម្នាក់ក៏បានគិតថា ក្នុងកម្មវិធីតន្ត្រីនេះប្រហែលជាមានអ្នកលួចលាក់ នាំចូលគ្រឿងញៀនចូលក្នុងព្រឹត្តិការណ៍នេះ ទើបបានជាគេធ្វើបែបនេះ។ មនុស្សខ្លះយកថ្នាំញៀនទៅដាក់នៅចន្លោះដើមទ្រូង ឬដាក់នៅក្នុងខោទ្រនាប់ជាដើម។ តែទោះយ៉ាងណា គេក៏បានគេណែនាំថា វិធីសាស្ត្រ Search នេះគួរតែប្រើឆ្កែជំនួសវិញ ឬក៏ត្រូវតែមានការប្រកាសដល់អ្នកចូលរួមឲ្យបានដឹងថា នឹងមានការត្រួតពិនិត្យយ៉ាងហ្មត់ចត់បែបនេះ៕ រក្សាសិទ្ធិដោយ៖ លឹម ហុង
Security body check was very strict not only me but all the women were checked inside bra directly.
— He told me | Pro Drunk (@HetoldmeXOXO) December 11, 2022
Also between legs, they actually touched pussy over clothes🤣
I took movie but it doesn’t help much cuz everybody got strict check.
Yeah today she touched my nipple directly 🤪 pic.twitter.com/JkQ6iqcirL