គេហទំព័រ India Times បានរាយការណ៍ថា ប៉ុន្មានថ្ងៃកន្លងទៅនេះ នៅលើបណ្ដាញសង្គមបានចែករំលែកវីដេអូឃ្លីប នៃហេតុការណ៍ដ៏ភ្ញាក់ផ្អើលមួយ បង្ហាញអ្នកបើកកង់បី យកជើងរុញរថយន្ត Mercedes ស្ថិតនៅលើដងផ្លូវក្នុងទីក្រុង Pune រដ្ឋ Maharashtra ដែលបានក្លាយជារឿងចម្រូងចម្រាសយ៉ាងខ្លាំង នៅក្នុងពិភពអនឡាញឥណ្ឌា។
ឃ្លីបវីដេអូដែលថតដោយអ្នកបើកបរពីក្រោយ បានបង្ហាញអ្នកបើករ៉ឺម៉កកង់បី ប្រើជើងទទេរុញគូទរថយន្ត Mercedes-Benz ពណ៌ក្រហម ខណៈរថយន្ត និងកង់បី ប្រដេញគ្នាយ៉ាងលឿន ហាក់ដូចជាកំពុងមានជម្លោះ ឬអ្នកបើកកង់បីប្រហែលជាមិនពេញចិត្តនឹងភាគីរថយន្ត ដោយប្រើជើងដើម្បីធាក់បែបនេះ។
ក្រោយវីដេអូឃ្លីបមួយនេះត្រូវបានគេបញ្ចេញ ឃើញថាទទួលបានការចាប់អារម្មណ៍ពីអ្នកលេងអ៊ីនធឺណិត ដោយមហាជនជាច្រើនបានបញ្ចេញមតិផ្សេងៗ ក្នុងអ្នកខ្លះព្រួយបារម្ភពីការខូចខាត បើអ្នករត់កង់បីពិតជាមានបញ្ហាជាមួយឡានទំនើបបែបនេះមែន។
ទោះជាយ៉ាងណា អង្គហេតុត្រូវបានលាតត្រដាងថា ភាគីទាំងពីរមិនមានជម្លោះអ្វីឡើយ។ ផ្ទុយទៅវិញ អ្នកបើកកង់បីបានជួយរុញរថយន្តម៉ាក Mercedes-Benz បន្តដំណើរទៅមុខកាន់កន្លែងជួសជុលប៉ុណ្ណោះ ដោយសារតែរថយន្តមានបញ្ហាគ្រឿងម៉ាស៊ីន។
ជាមួយគ្នានេះ អ្នកលេងបណ្តាញសង្គមជាច្រើន ក៏បានបង្ហាញការអរគុណជំនួស និងស្ងើចសរសើរចំពោះទឹកចិត្តរបស់អ្នកបើកកង់បីជាខ្លាំង។ អ្នកខ្លះនិយាយលេងសើចថា «មិនធម្មតាទេ ម៉ូតូកង់បីមានកម្លាំងខ្លាំងជាងឡាន Mercedes ទៀត, នេះជាស្ថានភាពពេលមិត្តសម្លាញ់អ្នកមានត្រូវការជំនួយ»។ យ៉ាងណាក៏ដោយ មានអ្នកខ្លះសង្ស័យថា វាអាចជាឈុតឆាកសម្តែង ព្រោះល្បឿនពិតជាមិនធម្មតា,…៕ រក្សាសិទ្ធិដោយ៖ លឹម ហុង
KP ❤️🤣
— पुणेरी स्पिक्स™ Puneri Speaks (@PuneriSpeaks) December 15, 2022
संकटकाळी मदतीला येणारा एक रिक्षावाला मित्र पाहिजेच…💪🏼 pic.twitter.com/qRpcm2F8RX