ស្វាយរៀង : ប្រភពពីប្រជាពលរដ្ឋ រស់នៅភូមិស្រែវាល ឃុំបុសមន ស្រុករំដួល ខេត្តស្វាយរៀង បានឲ្យដឹងថា លោក ឃុត សាលីន ប្រធានការិយាល័យគយច្រកទ្វារព្រំដែនតំបន់បុសមន រួមដៃគ្នាជាមួយមេគយចល័តផ្ទៃប្រទេស ប្រព្រឹត្តអំពើពុករលួយ ប្រមូលលុយពីក្រុមឈ្មួញដឹកទំនិញធំ តូច មកពីតាមបណ្តាខេត្តនានាដែលសម្រុកដឹកទំនិញគ្រប់ប្រភេទ ចេញចេញពីប្រទេសវៀតណាមទាំងយប់ទាំងថ្ងៃ តាមរថយន្តធំ តូច និង រម៉កសសន្តោង ដាក់ហោប៉ៅយ៉ាងត្រជាក់ចិត្តទុកចែកគ្នា។
ហេតុនេះសូមក្រសួង ឬស្ថាប័នពាក់ព័ន្ធសូម ពិនិត្យឡើងផង។ដោយមិនត្រូវបណ្តោយឲ្យបុគ្គល ឃុត សាលីន និងមេគយចល័តច្រកព្រំដែនបុសមន និងបក្ខពួកអង្គុយរាប់ក្បាលរថយន្តចាំយកលុយ ពីក្រុមឈ្មួញដឹកទំនិញ គ្មានចេញវិក័យប័ត្រឲ្យឡើយ បន្លំកិបកេងប្រាក់ចំណូល ចូលរដ្ឋក្នុង១ថ្ងៃៗរាប់សិបលានរៀល។
ប្រភពពីមន្ត្រីពាក់ព័ន្ធនៅច្រកទ្វារព្រំដែនតំបន់បុសមន បានឲ្យដឹងទៀតថា ឈ្មួញធំៗ ដឹកទំនិញគ្រប់ប្រភេទ ចេញពីស្រុកយួន ចូលមកខ្មែរ ដូចជាឈ្មួញដ៏ទៃទៀតមកពីបណ្តាលខេត្តនានា សម្រុកដឹកទំនិញតាមច្រកនេះ បានក្លាយទៅជាប្រភពចំណូលដ៏សំខាន់ របស់បុគ្គល ឃុត សាលីន និង គយចល័ត និងបក្ខពួកបែងចែកផលប្រយោជន៍គ្នា ដោយមិនខ្វល់ពីការរិះគន់អ្វីទាំងអស់ឲ្យតែពួកខ្លួនបានប្រាក់កាក់ចូលហោប៉ៅ។
សូមជម្រាបថាទំនិញដែលក្រុមឈ្មួញធំ តូច ដឹកចេញពីខេត្តស្វាយរៀង តាមរថយន្តនេះមានទំនិញខ្លះបង់ពន្ធគ្រប់ ខ្លះមិនគ្រប់ ចេចេញពីប្រទេសវៀតណាមដូចជា ផ្លែដូង ផ្លែឈើ ពូក តុជ័រ ធុងជ័រកៅអីជ័រ ដែកលួស កូនរទេះ មី ទឹកស្ទីង នឹងគ្រឿងកុំប៉ុងគ្រប់មុខជាដើម។ចំណែករថយន្តធំៗចាប់ពី៦០ម៉ឺនរៀល ទៅ៧០ម៉ឺនរៀលជាកំហិត រីឯរថយន្តតូចនឹងរម៉កសន្តោងវែងៗ បង់ចាប់២០ម៉ឺនរៀលទៅ៣០ម៉ឺនរៀលជាថ្នូរ មិនបង្ក្រាប បើមិនបង់ពន្ធឲ្យតាមការកំណត់ទេ កុំសង្ឃឹមថាអាចធ្វើដំណើរនាំទំនិញទាំងនេះចេញទៅចែកចាយនៅតាមបណ្តាខេត្ត និងរាជធានីភ្នំពេញបានឡើយ។
ដូច្នេះហើយសូមថ្នាក់ដឹកនាំឬស្ថាប័នពាក់ព័ន្ធទាំងអស់មេត្តាពិនិត្យឡើងវិញ ចំពោះបុគ្គលឃុត សា លីន មេគយច្រកទ្វារព្រំដែនតំបន់បុសមន និងសមត្ថកិច្ចពាក់ព័ន្ធមួយចំនួនបានផ្សំគំនិតគ្នា ប្រព្រឹត្តអំពើពុករលួយ ប្រមូលប្រាក់ដាក់ហោប៉ៅទុកចែកគ្នា យ៉យ៉ាងស្ងាត់ៗដោយមិនចេញវិក័យបត្រ ដែលធ្វើឲ្យក្រុមឈ្មួញដឹកទំនិញត្រូវបានលាតត្រដាងនិង រិះគន់ពីសំណាក់ក្រុមឈ្មួញដឹកទំនិញអះអាងចំៗថា ធ្វើឲ្យរដ្ឋត្រូវខាតបង់ចំណូលពន្ធយ៉ាងច្រើនសន្ធឹកសន្ធាប់ក្នុង១ខែៗដោយសារតែបុគ្គលទាំងនេះ កិបកេងប្រាក់ចំណូលដោយមិនបង់ចូលរដ្ឋ៕ រក្សាសិទ្ធិដោយ : សុវណ្ណារិទ្ធ
