នេះជារឿងដ៏ភ្ញាក់ផ្អើល និងហួសចិត្តជាខ្លាំងតែម្តង គ្រាដែលស្រ្តីម្នាក់មានផ្ទៃពោះជិតគ្រប់ខែ ស្រាប់តែបានសម្រាលកូននៅក្នុងប៉ុស្តិ៍ប៉ូលិស បន្ទាប់ពីត្រូវបានចាប់ខ្លួនលួចលេងល្បែងស៊ីសងខុសច្បាប់។
យោងតាមប៉ូលិស Ban Sang ខេត្ត Prachinburi បានឲ្យដឹងថា នៅថ្ងៃទី៥ ខែមករា ឆ្នាំ២០២៣ មានសេចក្តីរាយការណ៍ថា មានមនុស្ស៧នាក់ ក្នុងនោះមានស្រ្តីពោះធំម្នាក់ បានកំពុងលេងល្បែងស៊ីសង នៅក្នុងភូមិ Moo1 ឃុំបាងក្របៅ ស្រុកបានសាង។ បន្ទាប់មក សមត្ថកិច្ចក៏បានចុះទៅពិនិត្យ ហើយឃើញស្រ្តីមួយក្រុម កំពុងព័ទ្ធវង់លេងល្បែង (បៀរ) និងបានធ្វើការឃាត់ខ្លួន។
ប៉ុន្តែ អ្វីដែលមិននឹកស្មានដល់នោះ គឺបន្ទាប់នាំខ្លួនអ្នកទាំង៧ មកកាន់ប៉ុស្តិ៍ប៉ូលិស ស្រាប់តែស្រ្តីមានផ្ទៃពោះម្នាក់ បានប្រាប់សមត្ថកិច្ចថា សុំចូលបន្ទប់ទឹក និងប៉ុន្មាននាទីក្រោយមក ក៏លឺសំឡេងស្រែកថា «ខ្ញុំឈឺពោះសម្រាលកូន ក្បាលកូនចេញមកហើយ!» ដែលធ្វើឲ្យប៉ូលិស និងជនជាប់ចោទដទៃទៀត មានការភ្ញាក់ផ្អើលខ្លាំងតែម្តង។
បន្ទាប់មក សមត្ថកិច្ចបានទាក់ទងទៅមន្ទីរពេទ្យបានសាង ដើម្បីជូនដំណឹងដល់គ្រូពេទ្យ និងគិលានុបដ្ឋាយិកា ឲ្យជួយសម្រាលកូនជាបន្ទាន់ ប៉ុន្តែពេលគ្រូពេទ្យមកដល់ កូនបានកើតនៅខាងមុខបង្គន់ទៅហើយ។ ក្រោយពេលសម្រាលកូន គិលានុបដ្ឋាយិកាបាននិយាយថា ករណីនេះម្តាយសម្រាលមិនគ្រប់ខែ ដែលប្រហែលជាមកពីនាងភ័យញ័រដែលត្រូវប៉ូលីសចាប់ខ្លួន។ បើកើតដោយឯកឯង កូនអាចនឹងស្លាប់ ដោយសារតែសុកត្រូវបានរុំជុំវិញករបស់កុមារ ប៉ុន្តែការសម្រាលកូនបានដំណើរការល្អ។ កូនមានសុវត្ថិភាពហើយ ម្តាយសម្រាលបានកូនប្រុសទម្ងន់ ១,៦ គីឡូក្រាម មុននឹងយកកូនទៅថែទាំនៅមន្ទីរពេទ្យ។
អធិការនគរបាលក្រុងបានសាង បាននិយាយថាថា ករណីនេះ សមត្ថកិច្ចកំពុងតែពិចារណា ពិភាក្សាគ្នា អំពីស្ត្រីមានផ្ទៃពោះថា តើគួរចាប់ខ្លួនឬយ៉ាងណា។ ប៉ុន្តែ ក្រុមអ្នកល្បែងស៊ីសងទាំងនោះបានបញ្ជាក់ថា នាងជាអ្នកលេងល្បែងជាមួយគ្នា ដូច្នេះត្រូវតែចាប់យកដូចគ្នា៕ រក្សាសិទ្ធិដោយ៖ លឹម ហុង
