មហាជនអ្នកប្រើប្រាស់បណ្តាញសង្កម ពិតជាមានការភ្ញាក់ផ្អើល និងហួសចិត្តខ្លាំងបំផុត ចំពោះហេតុការណ៍គ្រោះថ្នាក់ចរាចរណ៍ដ៏រន្ធត់ ឡានដឹកថ្មបើកបរព្រហើន និងខ្វះការប្រុងប្រយ័ត្ន ត្រូវរថភ្លើងដឹកប្រេង បុកពេញទំហឹង បណ្តាលឲ្យក្រឡាប់ផ្ងារជើង ខណៈរថយន្តភ្លើងដាច់ទូរមួយកំណាត់ខាងមុខ ធ្លាយប្រេងពេញលើដីតែម្តង។
គ្រោះថ្នាក់ចរាចរណ៍ដ៏មហាហួសចិត្តនេះ បានកើតឡើងកាលពីវេលាម៉ោង ១១ និង ៣៦ នាទី ថ្ងៃទី១៧ ខែមករា ឆ្នាំ២០២៣ ស្ថិតនៅផ្លូវហាយវ៉េ ត្រង់ចំណុចភូមិអូរដំបង ឃុំអូរដំបង២ ស្រុកសង្កែ ខេត្តបាត់ដំបង។
តែអ្វីដែលហួសចិត្តខ្លាំងទៀតនោះ គឺថាក្រោយគ្រោះថ្នាក់នេះបានកើតឡើង ស្រាប់តែអ្នកបើកឡានដឹកថ្ម បាននិយាយថា ខ្លួនមិនមែនជាអ្នកខុសទេ ព្រោះខាងបញ្ជាចរាចររថភ្លើងពុំមានដាក់បារ៉ាស់។ ប៉ុន្តែ ទទួលស្គាល់ថា បានលឺស៊ីផ្លេរថភ្លើងដែរ។
បើនិយាយការពិតទៅ ការឆ្លងផ្លូវរថភ្លើង កន្លែងអត់ប៉ារាស់ បើមានបារ៉ាស់ តែគេមិនបិទបារ៉ាស់ នោះគេខុសមែន តែករណីនេះសូមពិចារណាឡើងវិញ គឺមានអ្នកចេញមកផ្អាកចរាចរណ៍ដោយលើកទង់ជាសញ្ញា ខណៈរថយន្តដទៃក៏ត្រូវបានឃើញឈប់រង់ចាំរថភ្លើងផងដែរ ប៉ុន្តែ ដោយសារតែអ្នកបើកឡានដឹកថ្ម បើកលឿនខ្វះការប្រុងប្រយ័ត្ន នៅត្រង់ចំណុចផ្លូវរថភ្លើងឆ្លងកាត់ និងមិនយកភ្នែកមើលមនុស្សធ្វើសញ្ញា ទើបបង្កគ្រោះថ្នាក់បែបនេះ។
ដោយឡែក បើពិនិត្យមើលចំណុចទី៤ នៃមាត្រា២៣ នៃច្បាប់ស្តីពីការធ្វើចរាចរណ៍ឆ្លងកាត់ផ្លូវរថភ្លើង បានចែងឲ្យដឹងថា៖ «នៅកន្លែងផ្លូវថ្នល់កាត់ផ្លូវរថភ្លើងពុំមានរបារ ឬ របាំង ឬ ផ្លាកសញ្ញា ឬ ភ្លើងសញ្ញាអ្វីទាំងអស់ អ្នកបើកបរអាចបើកបរកាត់ទីនោះបាន លុះត្រាជឿជាក់ថា ពុំមានរថភ្លើងណាមួយមកដល់ឡើយ»៕ រក្សាសិទ្ធិដោយ៖ លឹម ហុង
@jonadakh ♬ សំឡេងដើម – Green