ថ្ងៃទី១៨ ខែមករា ឆ្នាំ២០២៣ ផុសមួយបានរីករាលដាល ដោយមានការចែករំលែកដល់ទៅជាង១ម៉ឺនដង បង្ហាញយុវតីសិស្សសាលាម្នាក់ ដែលត្រូវសាលារបស់នាង ចោទប្រកាន់ពីបទស្លៀកពាក់កូនក្រមុំ ធ្វើឱ្យខូចកេរ្តិ៍ឈ្មោះសាលា និងអាចប្រឈមមុខការផ្ដន្ទាទោសទៀតផង។
រឿងនេះបានកើតឡើងកាលពីថ្ងៃទី១០ ខែមករា នៅពេលហ្វេសប៊ុក what is good ? បានផុសរូបថតរបស់ Nong Aor ដែលបានតុងតែងខ្លួនជាកូនក្រមុំ សម្រាប់ឈុតអាពាហ៍ពិពាហ៍ពេលព្រឹក ដោយភ្ជាប់រូបថតប្រៀបធៀប២សន្លឹក មុន និងក្រោយផាត់មុខ ហើយលទ្ធផលគឺខុសគ្នាយ៉ាងច្បាស់។ ទោះបីជាមុខដើមស្អាតរួចទៅហើយ ប៉ុន្តែពេលបន្ថែមគ្រឿងសម្អាង គឺស្អាតខ្លាំងតែម្តង។
ជាការពិត គឺ Nong Aor កំពុងសិក្សានៅវិទ្យាល័យ។ ប៉ុន្តែ នៅពេលបុគ្គលិកសាលាបានឃើញរូបភាពដូចខាងលើបែបនេះ ក៏បានចោទថា Nong Aor ដែលទទួលការងារជាតារាម៉ូដែលតុបតែងខ្លួនកូនក្រមុំ ធ្វើឲ្យមនុស្សគិតថា Nong Aor រៀបការ ហើយបំពានច្បាប់សាលា។ ទោះជាយ៉ាងណា Nong Aor បានចុះហត្ថលេខាទទួលខុសត្រូវចំពោះការចោទប្រកាន់នេះ ដោយបាននិយាយថា «ខ្ញុំបានតុបតែងខ្លួនលើសម្លៀកបំពាក់កូនក្រមុំមែន ហើយសាលាយល់ច្រឡំថា ខ្ញុំបានរៀបការ ទោះបីជាការបង្ហោះពីខាងដើមបានបញ្ជាក់យ៉ាងច្បាស់ថា ខ្ញុំគឺជាតារាម៉ូដែល។
ក្រោយមក នៅលើទំព័រហ្វេសប៊ុករបស់ជាងសាឡនម្នាក់ បានបង្ហោះរឿងនេះដោយបានបញ្ជាក់ថា Nong Aor ជាប្អូនស្រីរបស់ខ្លួនហូបបាយរួមឆ្នាំងតែមួយ ហើយសំខាន់ គឺនាងមិនបានរៀបការទេ នាងគ្រាន់តែជាតារាម៉ូដែលក្នុងហាងប៉ុណ្ណោះ។ ហើយបើគ្រាន់តែបង្ហាញម៉ូតពីហាង តើខុសច្បាប់សាលាដែរមែនទេ?។
ទន្ទឹមនឹងនោះ ក៏មានអ្នករិះគន់សាលាថា សូមអានការបកស្រាយពាក្យ «គំរូកូនក្រមុំពេលព្រឹក» មានន័យថាជា គំរូ មិនមែន «កូនក្រមុំ» ទេ តើសាលាអាចបង្រៀនកូនសិស្សឲ្យមានគុណភាពបានដូចនេះទេ?៕ រក្សាសិទ្ធិដោយ៖ លឹម ហុង
